Kuɛ̈n 14:2 - JAM DE NHIALIC 2011

² Aake dok në Mothe kekë Aron, go akutnɔm ëbɛ̈n lueel an, “Aŋuän na ë wo cï thou piny ë Rip, ku nɔn thouku në ee jɔ̈ɔ̈r manë yic eenë!

Kuɛ̈n 14:2 ပူးပေါင်းရင်းမြစ်များ

1 Mel 19:4

Ku le roor guöpde ciɛth ë akööl tök, le ku nyuuc ë tim thar, ku jɔ rɔt läm thuɔɔu lueel an, “Ë loi, ënɔɔnë, Bɛ̈nydït, nyaaiyë wëikï yɛn cïï kuarkuɔ wär!”

Jop 3:11

Eeŋö cän thou të ɣɔn dhiëëthë yɛnë, ku nɔn bä bei yiëëc ke ya cï thou?

Diɛt 106:24

Gokï piny piɛth rɛɛc, në biäk kën kek gutguut ë Nhialic gam.

Diɛt 106:25

Gokï rëër ë pɛɛnyken yiic ku jɔkï ŋun, ku cïkï jam de Bɛ̈nydït piŋ.

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Bɛ̈n 14:11

Gokï lɛ̈k Mothe an, “Cïn rɛ̈ŋ ë nu Rip? Nɔn jɔ yïn wook bɛ̈ɛ̈i buk bɛ̈n thou ë jɔ̈ɔ̈ric eenë? Tïŋ kë cï looi da, në luɔi cïn wo bɛ̈ɛ̈i bei Rip!

Bɛ̈n 15:24

Na wën, ke kɔc ë dok në Mothe, ku lopkï an, “Eeŋö buk dek?”

Bɛ̈n 17:3

Ku kɔc cïï reu ke nɔ̈k arëët, agokï ŋoot ke ke dok në Mothe luelkï an, “Eeŋö bɛ̈ɛ̈i wek wo bei Rip? Ku bäk wo bɛ̈n tɔ thou në reu në mïth ku ɣɔ̈k?”

Jona 4:3

Ka Yïn Bɛ̈nydït, jɔt wëikï, aŋuɛ̈ɛ̈n luɔi thuɔu ɛn, ku mäl në pïïr.

Jona 4:8

Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Kuɛ̈n 11:1

Go kɔc ke Yithriɛl dok ke piŋ ë Bɛ̈nydït në biäk de katuc cïk yök. Na wën, apiŋ ë Bɛ̈nydït keek, ke göth arëët, go many agönhde dëp në keyiic, go ɣööt nu në wut këc nyuɔp piny.

Kuɛ̈n 11:15

Na ee luɔi bï yïn Ɛn looi ka, ke yï kok piɔ̈u wekë yɛn, ku näk Ɛn ënɔnthiinë, ke ya cïï riääkdï bï tïŋ.

Kuɛ̈n 11:5

Wok ë rec ke Rip tak, rec wään yok cuet baaŋ tei të cïn ɣɔ̈ɔ̈c, ku camku ajuur, ayï apëët, ayï apët dït, ayï abathɔɔl, ayï abathɔɔl tum kedhie acuk keek tak.

Kuɛ̈n 14:1

Ago akutnɔm de kɔc ruu ke ke kïïu në dhiën ë jiɛthëpiɔ̈u në wɛ̈ɛ̈ric ëbɛ̈n abï piny ruu.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Kuɛ̈n 16:13

Kɛ̈në loi në biäk cï yïn wo jɔt ë Rip, piny ee wat ë ca ku miök ë kiëc, ku bä wo bɛ̈n tɔ thou në jɔ̈ɔ̈ric eenë?

Kuɛ̈n 16:41

Na ɣɔn amiäk, ke akutnɔm de kɔc ke Yithriɛl ë dok ëbɛ̈n në Mothe kekë Aron luelkï an, “Wek ë kɔc ke Bɛ̈nydït nɔ̈k.

Kuɛ̈n 17:6

Go Mothe jam kekë kɔc ke Yithriɛl, go raan ëbɛ̈n në bänyiic thienyde bɛ̈ɛ̈i, ku gëm Mothe. Thieec acïk bɛ̈n aa thiëër ku rou cït kuën de dhiënken kathiëër ku rou. Ku thieny de Aron aa nu ke keek ëtök.

Kuɛ̈n 20:2

Ku acïn pïïu ë nu të wään cï akutnɔm piɔ̈ɔ̈t thïn. Gokï guëër në Mothe lɔ̈ɔ̈m kekë Aron.

Kuɛ̈n 20:3

Ku dokkï në keek luelkï an, “Aŋuän na ë wo cï thou në paany de Bɛ̈nydït thok në kɔckuɔn wään thou ëtök.

Kuɛ̈n 20:4

Eeŋö bɛ̈ɛ̈i wek amatnɔm në ee jɔ̈ɔ̈rë yic, buk bɛ̈n thou eenë, wook në ɣɔ̈kkuɔ?

Kuɛ̈n 21:5

Gokï Nhialic jääm guöp, ku jiëëmkï Mothe guöp aya, luelkï an, “Eeŋö bɛ̈ɛ̈i wek wo bei Rip, bäk wook bɛ̈n tɔ thou në jɔ̈ɔ̈ric? Acïn këcam ku acïn pïïu dek. Wok ë bäp në këcam rɛɛcë.

1 Kor 10:10

Ku duökï ee dok ë weyäc aya, acït man cï kɔc kɔ̈k ë keyiic dok, ago ke nɔ̈k ë kë ye kɔc nɔ̈k.

Nyöŋ 1:27

Wek cï bɛ̈n dok në pɛɛnykun yiic ku luɛlkï, an, “Bɛ̈nydït aman wook, ka ë wook bɛ̈ɛ̈i bei në Rip bïï wook bɛ̈n tääu në kɔc ke Amor cin bïk wo bɛ̈n riɔ̈ɔ̈r nyïïn.

Nyöŋ 9:23

Ku wään cien we tooc në Kadec Barniya ku thɔn week bäk piny lɔ nööm piny cï gäm week, acäk bɛ̈n rɛɛc thok, ku akɛ̈nkï ŋɔ̈ɔ̈th ku riëëukï lööŋke.

Ɣeberuu 3:16

Ee yï ŋa ë piŋ röl ë Nhialic ku jiëikï? Cie kek kɔc ɣɔn bïï ë Mothe bei paan ë Rip?

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.