Kuɛ̈n 14:11 - JAM DE NHIALIC 2011

¹¹ Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Kuɛ̈n 14:11 ပူးပေါင်းရင်းမြစ်များ

Diɛt 106:24

Gokï piny piɛth rɛɛc, në biäk kën kek gutguut ë Nhialic gam.

Diɛt 78:32

Ku në ee ka cï röt looiyë kedhie, go kɔc ŋoot ke ke loi karɛc, ku në ee kake gäi cï looiyë, akënkï Nhialic bɛ̈n ŋɔ̈ɔ̈th.

Diɛt 78:22

në luöi cïn kek piɔ̈ɔ̈th gäm në ye yic, ku akënkï gam nɔn duëër En keek luök.

Nyöŋ 1:32

Ku ee kakë yiic kedhie, wek cïï Bɛ̈nydït Nhialic ŋäth,

Ɣeberuu 3:8

ke we duökï wenïïm tɔ ril cït man ë kɔc ɣɔn cï Bɛ̈nydït jäi ku nyiëëŋkï piny, ɣɔn themë keek në jɔ̈ɔ̈ric.

Jɔn 12:37

Ku acakaa nɔn cï en göök juëc looi ë kenïïm, gokï ŋoot ë ke cïï gam:

Kuɛ̈n 14:27

“Ee nɛn yen bïï akutnɔm cï thiäŋ në awɛ̈ɛ̈cë dok puɔ̈l në yɛn? Yɛn ë dok kithic piŋ tëde kɔc ke Yithriɛl.

Kuɛ̈n 14:23

Acïkï duëër kɔn lɔ piny wään thɔ̈n kuarken ananden. Acïn raan töŋ de ee kɔc reec Ɛn bï kɔn lɔ thïn ë tɔt.

Ɣeberuu 3:18

Ku ee këde yï ŋa ë cïï Nhialic kuëëŋ an cïkï bï lɔ ë lɔ̈ŋde yic? Cie këde kɔc ɣɔn reec gäm, wään cïï gupken döŋ ë jɔ̈ɔ̈ric?

Ɣeberuu 3:16

Ee yï ŋa ë piŋ röl ë Nhialic ku jiëikï? Cie kek kɔc ɣɔn bïï ë Mothe bei paan ë Rip?

Bɛ̈n 16:28

Go Bɛ̈nydït lɛ̈k Mothe an, “Bäk lööŋkï jɔ rɛɛc gam agut cï nɛn?

Jɔn 15:24

Tëë ya kën käŋ looi e keyiic, ka kënë raan däŋ looi, adï cïn kërac ë keyiëth: ku ënɔɔnë acïk wo tïŋ ku mankï wo gup wokë Wäär waarou.

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Mak 9:19

Go bɛ̈ɛ̈r, lueel an, “Rem reec gäm oou! Bä ceŋ ë weyiic ë run kadï? Bä këdun guum ë run kadï? Bɛ̈ɛ̈ikï të nuö yɛn!”

Math 17:17

Go Yecu bɛ̈ɛ̈r an, “Rem cïn gäm oou, rem ë löŋ yalic oou! Bä rëër ë weyiic ë run kadï? Bä kakun guum ë run kadï? Bɛ̈ɛ̈ikï tëde yɛn!”

Dhek 8:14

Kë cï Bɛ̈nydït de rɛm lueel kï an, “Cït man ɣɔn cï kuarkun ya wööc piɔ̈u, guɔ kërɛɛc bä luöi keek kiëët, ku cä päl, dhiɛl luöi keek ke ya cïï yanɔm waar.

Ɣodh 8:5

Cuatkï yiëthkuön ke daau wei wek kɔc ke Thamaria, Yɛn diu piɔ̈u wo keek arëët. Bäk ee pïïr rɛɛcë jɔ puɔ̈l nɛn, abïk jɔ lɔ wai?

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Diɛt 95:8

“Duökï nïïm ee riɛl cï kuarkun ɣɔn në Meriba, wään tɔ̈u kek ee köölë në jɔ̈ɔ̈r de Matha yic.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Bɛ̈n 32:9

Yɛn ŋic riɛl ril ee kɔckë nïïm.

Kuɛ̈n 32:10

Bɛ̈nydït acï piɔ̈u bɛ̈n riääk në ee köölë ku yöök keek an,

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Edhekiɛl 20:13

Ku wään tɔ̈u kek ë jɔ̈ɔ̈ric baai de Yithriɛl acï a bɛ̈n rɛɛc. Acïk lööŋkï dhoŋ kɔ̈ɔ̈th, ku reeckï ka cä lɛ̈k keek, kën ee raan rïïu keek gäm pïïr. Acïk kööl de Thabath rɛɛc taitai. Yɛn aa cï rɔt guiir bä keek tɔ yök agönhdiën tuc në jɔ̈ɔ̈ric ku riääk keek.

Bɛ̈n 23:21

Döt ee cökë ë gɔk, ku ye kë cï lueel piŋ. Du keek reec, ee Yɛn ë toc en. Ku acï we bï päl reec rɛɛc wek jamde, në baŋ nu rinkï ë yeyic.