Kuɛ̈n 14:10 - JAM DE NHIALIC 2011

¹⁰ Go akutnɔm de kɔc mat ëbɛ̈n nɔn bïï kek keek biöök në kur abïk thou. Ku ee tëthiinë, ke kɔc kedhie ë ke tïŋ riau de dhuëëŋ ë Bɛ̈nydït atul ëthiäu në paany de mat nɔm.

Kuɛ̈n 14:10 ပူးပေါင်းရင်းမြစ်များ

Bɛ̈n 16:10

Na wën aa jam Aron kekë akutnɔm de kɔc ke Yithriɛl, gokï kenïïm wɛl ë jɔ̈ɔ̈ric. Go dhuëëŋ ë Bɛ̈nydït guɔ tuöl ëthiäu në luätic.

Bɛ̈n 16:7

Miäk we bï dhuëëŋ ë Bɛ̈nydït tïŋ, në luɔi cï yen dokdun piŋ, dok duɔk wek në weyäc në Bɛ̈nydït. Ɣɛɛ, ë yic wek ë dok në yeguöp. Na wook, ee lööŋke tei kek yok luɛɛl.”

Bɛ̈n 17:4

Go Mothe Bɛ̈nydït lɔ̈ŋ në piɔ̈n tök lueel an, “Eeŋö bä jɔ luöi ee kɔckë Bɛ̈nydït? Akɔɔrkï bïk ɛn biɔ̈ɔ̈k në kur.”

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Lebai 9:23

Na wën ke Mothe kekë Aron ë ke lɔ në paany de mätic. Na wën bï kek bei kekë thiei kɔc, ago dhuëëŋ de Bɛ̈nydït tuöl tëde kɔc kedhie.

Kuɛ̈n 16:19

Ku ëtɛ̈ɛ̈n, Kɔra ë akutnɔm de kɔc ke Yithriɛl bɛ̈n bɛ̈ɛ̈i, bïï keek bɛ̈n tɔ kääc në paany de mät thok ke ke wel kenïïm Mothe kekë Aron. Ago riau de dhuëëŋ ë Bɛ̈nydït guɔ tul ëthiäu tëde raan cï guëër ëbɛ̈n.

Kuɛ̈n 16:42

Na wën, aacï akutnɔm guëër në Mothe lɔ̈ɔ̈m kekë Aron ke ke göth në keek, ke ke liec paany de mät, gokï tïŋ acïï luät paat piny, ku tïŋkï riau de dhuëëŋ ë Bɛ̈nydït acï tuöl.

Kuɛ̈n 17:7

Go Mothe thieec tɔ̈ɔ̈u kedhie në Paany de Mätic thïn në Athänduŋ de Löŋ cï Math nɔm tueŋ.

Kuɛ̈n 20:6

Go Mothe kekë Aron jäl në amatnɔm lɔ̈ɔ̈m, ku lek kɔ̈ɔ̈c në paany de mät thok. Gokï kenïïm guöt piny, go riau de dhuëëŋ ë Bɛ̈nydït tuöl tëde keek.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Luɔi 7:52

Eeŋa ë tït yiic raan kënë kuarkun yɔŋ guöp? Ku acïk kɔc nɔ̈k kɔc wään nyuth keek tueŋ në bɛ̈n ë Raan piɛthpiɔ̈u, raan cäk guɔ nyiɛɛn, ënɔɔnë ku kuörkï abï thou.

Luɔi 7:59

Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!”

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.