Kuɛ̈n 13:29 - JAM DE NHIALIC 2011

²⁹ Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Kuɛ̈n 13:29 ပူးပေါင်းရင်းမြစ်များ

Kuɛ̈n 14:43

Të la wek rɔ̈m në kɔc ke Amalek, ku kɔc ke Kanaan, abïk week nɔ̈k tɔɔŋ wedhie, Bɛ̈nydït acïï bï tɔ̈u ke week, në biäk cä wek jaai ke cäkkï kuany cök.

Bäny 6:3

Të de yen kɔ̈th ke rap cïï kɔc ke Yithriɛl ke com, ke kɔc ke Midian ku kɔc ke Amalek ku juöör kɔ̈k nu të lɔ aköl amiäk ayek bɛ̈n ku mɛkkï keek.

Diɛt 83:7

Kɔc ke Gebal, ku kɔc ke Ammon, ku kɔc ke Amalek, ku kɔc ke Pilithtia kekë Tayer.

1 Tham 30:1

Na ɣɔn cï Debid ɣet Dhiklak kekë kɔcke në kööl ee kek diäk, ke ke yök kɔc ke Amalek acïk tɔŋ luöi piny ë Juda në baŋ të lɔ wöuwic ku mɛkï kɔc ke Dhiklak. Gokï wut ɣök mac ëbɛ̈n,

1 Tham 14:48

Ago thɔ̈ɔ̈r aläl kekë kɔc ke Amalek ku tiɛɛm keek ku luɛ̈k Yithriɛl në kɔc ee yen yɔŋ cin.

Kuɛ̈n 24:20

Ku në nyuuthic, Balaam acï kɔc ke Amalek tïŋ ayadäŋ, go lueel an, “Kɔc ke Amalek aake ye wundïït ril në juöör ëbɛ̈n, ku ënɔɔnë, abï nyin riäär taitai.

Kuɛ̈n 14:45

Ago kɔc ke Amalek mat në kɔc ke Kanaan rɛ̈ɛ̈r ëtɛ̈ɛ̈n piny ë kuur, gokï ke tiaam ku copkï keek abïk ɣet të cɔl Ɣorma.

Kuɛ̈n 14:25

Yen ee bäny man rëër ë kɔc ke Amalek thïn, ayï kɔc ke Kanaan. Puɔ̈kkï röt ë jɔ̈ɔ̈ric miäk aduduur, thuöörkï wenïïm Wɛ̈ɛ̈r Thith.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Cäk 14:7

Agokï kenïïm puɔ̈k Kadec, ku rumkï piny de kɔc ke Amalek, tiamkï kɔc ke Amor rɛ̈ɛ̈r ë Ɣadhadhon Tama.

Kuɛ̈n 13:17

Na wën, aa tooc ë Mothe keek lek piny ë Kanaan caath, ke lëk keek an, “Thuöörkï wenïïm wöuwic ë në, ku rɛtkï piny ë Kanaanic alɔ guut ciëën ya, ku ɣɛtkï piny ë kuur.

Kuɛ̈n 13:30

Go Kalep kɔc wën cï guëër në Mothe lɔ̈ɔ̈m miɛɛm thook, ku lueel an, “Jëlku ënɔnthiinë, lok rumku piny. Wok ril, abuk rum.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.

Jocua 10:5

Ago meliik ke Amor kadhïc kecin mat, ku lek Gibiɔn tuɔɔk piny, melik de Jeruthalem, ku melik de Ɣebron ku melik de Yarmuth, ku melik de Lacic, ku melik de Egolon ku mookkï piny.

Jocua 10:6

Go kɔc ke Gibiɔn thok yiɛ̈n Jocua ke nu Gilgal, luelkï an, “Du wo pɛ̈l wei bɛ̈ny, dap bɛ̈n bä kony wook, luäk wook, meliik ke Amor acïk bɛ̈n kedhie në piny ë kuur, ku acïk kecin mat ku mookkï wo piny!”

1 Tham 7:14

Ku wuöt wään cï Pilithiin keek peec në kaam de Ekeron kekë Gath acï keek dɔ̈k nïïm Yithriɛl, go Yithriɛl wuötke nööm kedhie. Ku ëtɛ̈ɛ̈n mät acï bɛ̈n tɔ̈u e kaam de Yithriɛl kekë kɔc ke Kanaan.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 20:17

Riäärkï kɔc nyïïn kedhie taitai, kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth, cït man cïï Bɛ̈nydït we yɔ̈ɔ̈k an luɔikï.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Bäny 3:5

Go kɔc ke Yithriɛl jɔ rëër në kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

1 Tham 27:8

Ku në ee runkë yiic Debid kekë kɔckɛn ke tɔŋ aake ye tɔŋ yiɛ̈n kɔc ke Gecur, ku kɔc ke Girdhi, ku kɔc ke Amalek, kɔc wään ceŋ ee pinyë ɣɔn thɛɛr. Aa ye pinyden yiɛ̈n tɔŋ gɔl piny de Cur ɣeet paan ë Rip,

Neɣe 9:8

Acï yök nɔn en raan ee piɔ̈u adöt ke Yïn, ku mac löŋ wekë yen. Acï thɔ̈n en bä gäm piny de kɔc ke Kanaan piny de kɔc ke Ɣit kekë kɔcke piny de Peridh ku Jebuth ku Girgac ke bï ya piny bïï käude rëër thïn. Yïn cï kë cï than piny muk në biäk Yïn Raan adöt.