Kuɛ̈n 13:22 - JAM DE NHIALIC 2011

²² Ku welkï kenïïm wöuwic abïk ɣet Ɣebron të nu jur cɔl Aɣiman, kekë Cecai ku Talmai, ku keek ayek kuat de jööt cɔl Anak. (Ku Ɣebron yen akɔnë yïk abï run aa dhorou, ku jɔ Dhowan bɛ̈n yïk Rip)

Kuɛ̈n 13:22 ပူးပေါင်းရင်းမြစ်များ

Cäk 13:18

Go Abram kuëëth, ku le nyuc të thiääk ke tiim ke ɣok ke Mameer, në piny cɔl Ɣebron. Ku yïk Bɛ̈nydït yïk ëtɛ̈ɛ̈n.

Cäk 23:2

Ku jɔ bɛ̈n thou në Ɣebron, në piny de Kanaan. Ago Abraɣam piɔ̈u dhiau aläl në thonde, ku dhiëëu.

2 Tham 2:1

Na wën ke Debid ë lop Bɛ̈nydït an, “Duëër lɔ bä wun tök lɔ nööm në wuöt ke Juda yiic?” Go Bɛ̈nydït lɛ̈k Debid an, “Lɔɔr.” Go Debid thiëëc an, “Ee wunnou bän lɔ thïn?” Go Bɛ̈nydït puk nɔm an, “Lɔɔr Ɣebron.”

2 Tham 2:11

Go Debid bääny muk ë Ɣebron ke ye melik de Juda, në run kadhorou ku pɛ̈i kadhetem.

2 Tham 21:16

Ago Yicibibenop, wën töŋ de Rapa, amuk tɔŋ de maläŋ ye thiɛkde kilɔɔ kadiäk, ku amuk abätäu cï piac thɔ̈ɔ̈th, aaye lueel an bïï Debid yiɛ̈n nɔ̈k.

Diɛt 78:12

Të wään woi ë kuarken Nhialic ke loi kake gäi në riaaŋ de Dhowan yic piny de Rip.

Diɛt 78:43

Ku looi göökke kekë kakɛn ke gäi, në riaaŋ de Dhowan yic piny de Rip.

Yith 19:11

Bäny ke wut ë Dhowan ayek kɔc piɔlpiɔ̈ɔ̈th! Kɔc pelnïïm ke Rip ayek wël ke dhɔ̈ɔ̈n guiëër keek! Eeŋö duëër kek kenïïm lɛc ë melik nɔm, an wok ee käu de kɔc ɣɔn pelnïïm, mïth ke meliik ɣɔn tueŋ?

Yith 19:13

Bäny ke Dhowan ku Mempeth apiɔlkï piɔ̈ɔ̈th. Adï ee kek wat dhiëënken, ku ënɔɔnë acïk Rip mɔ̈ɔ̈r.

Yith 30:4

Cakaa nɔn cïï tuucken ɣet pɛ̈ɛ̈nydït ke Rip, yï Dhowan ku Ɣaneth,

Kuɛ̈n 13:17

Na wën, aa tooc ë Mothe keek lek piny ë Kanaan caath, ke lëk keek an, “Thuöörkï wenïïm wöuwic ë në, ku rɛtkï piny ë Kanaanic alɔ guut ciëën ya, ku ɣɛtkï piny ë kuur.

Kuɛ̈n 13:28

Ku töŋ jɔ nu, kɔc de piny arilkï arëët, ku arëërkï në wuöt dit arëët, pɛ̈ɛ̈nydït cï gël apiɛth. Ku ke jɔ rac arëët, ee luɔi cïï wok kuat de jööt cɔl Anak lɔ yök ëtɛ̈ɛ̈n ayadäŋ.

Kuɛ̈n 13:33

Ku jööt acuk keek tïŋ ëtɛ̈ɛ̈n aya, kuat de Anak. Agoku röt bɛ̈n biɔɔn ku tïŋku röt cït man ë gɔt tei, ku tïŋkï wook ayadäŋ cït gɔt.”

Nyöŋ 9:2

Ku kɔc gupken abɛ̈ɛ̈rkï ku rilkï, ayek wɛ̈ɛ̈t ke Anakim, ku acäk piŋ, ke luel an, acïn raan duëër kɔ̈ɔ̈c ë kenïïm ë tɔŋ.

Jocua 10:36

Ku jɔ Jocua jäl ë Egolon kekë rem de tɔŋde lek Ɣebron, ku lek muɔɔk piny,

Jocua 21:13

Ku gëmë Ɣebron kuat de Aron, bäny ke kake Nhialic (Ɣebron aaye wun ë luääk). Ku gëmkï keek wuöt kɔ̈k ayadäŋ piinykɛn ë luääk: Libna,

Bäny 1:10

Gokï lɔ thɔ̈ɔ̈r në kɔc ke Kanaan rɛ̈ɛ̈r wun cɔl Ɣebron, ku aaye cɔl Kiriath Arba. Agokï dhiën ke Cecai tiaam ëtɛ̈ɛ̈n Aɣiman, ku Talmai.

1 Tham 30:31

ku Ɣebron. Acï keek tɛk piny ëbɛ̈n të wään cï yen tëëk thïn kekë kɔcke.