Kuɛ̈n 12:6 - JAM DE NHIALIC 2011

⁶ Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Kuɛ̈n 12:6 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

Cäk 28:12

Ago nyuöth ke de thilim dïït cï cäp thar piny ë tiɔp nɔm, ku cï nɔm ɣet nhial ale yenɔm kan paannhial. Ku tuucnhial ke Nhialic ayek jɔ bɛ̈n piny, ku lek nhial në yen!

Cäk 28:16

Ago Jakop pääc ë nïnic, ku lueel an, “Ë yic, Bɛ̈nydït anu eenë ku ja kuc!”

Cäk 37:5

Na ɣɔn ë kööl tök, ke Jothep ë nyuöth ë nïnic wakɔ̈u. Na wën, aguïïr nyuöth mïthëkɔcken, ke jɔkï maan guöp awär wään tueŋ.

Cäk 37:9

Go Jothep bɛ nyuöth ku lëk keek an, “Yɛn ë bɛ nyuöth ë nyuöth däŋ: ke akɔ̈l ke pɛɛi, ku kuɛl kathiëër ku tök ë ke gut kenïïm piny në yanɔm.”

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

2 Tham 7:4

Ku në ee köölë wakɔ̈u go jam de Bɛ̈nydït bɛ̈n tëde Nathan an,

1 Mel 3:15

Na wën ke Tholomon ë jɔ pääc, ago yök nɔn cï Nhialic jam ke yen ë nyuöth yic. Go lɔ Jeruthalem, ku kɛ̈ɛ̈c në Athänduŋ de Bɛ̈nydït nɔm, ku gëm Bɛ̈nydït miɔ̈c ye nyop ëbɛ̈n, ku miɔ̈c de mät. Ku jɔ bänyke kedhie luöi këcamdït.

1 Mel 3:5

Na ɣɔn wakɔ̈u go Bɛ̈nydït tuöl tëde Tholomon ë Gibiɔn ke ye nyuöth, lueel an, “Eeŋö bä lip kë bä gäm yïn?”

Jop 33:15

Wakɔ̈u të niin raan ëbɛ̈n Nhialic ee jam ke kɔc në nyuöth ku nyuuthic.

Jop 4:13

Yɛn aa cïï nïn tiaam, ku jɔ nyuöth ɛn cuil guöp abï ya lath,

Diɛt 105:15

“Duökï awuutkï cï lɔc jak, duökï tïtkï jak.”

Diɛt 89:19

Yïn cï jam ɣɔn thɛɛr ë nyuuth, ku lɛ̈kë awunduön piɛthpiɔ̈u, an, “Yɛn cï kuɔɔny gäm jön de tɔŋ cï leec, yɛn cï thööc gäm raan töŋ cä lɔc në kɔc yiic.

Bɛ̈n 7:1

Go Bɛ̈nydït lɛ̈k en an, “Yïn bä tɔ cït Nhialic tëde melik, ku Aron wänmuuth yen abï jam cït man ë tiëtdu.

Jeremia 23:25

Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Jeremia 23:28

Tiët de nɔm nyuöth, aduëër lueel an ee nyuöth tei, ku tiët cï jamdï piŋ aduëër ee jamë lueel në piɔ̈n piɛth. Eeŋö piɛth në kaam de wal kekë agamɔ?

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Danyel 10:8

Go yɛn nyääŋ ëtɛ̈ɛ̈n yatök, ke ya woi nyuuth ë gɛ̈iyë. Acïn riɛldiën be tɔ̈u, yɛn cï nyin waar, ka acïn raan duëër ya ŋic guöp.

Danyel 2:19

Ku në ë wɛ̈ɛ̈r töŋë yic këcïmoony acï bɛ̈n nyuöth Danyel ë nyuuthic, ago Danyel Nhialic de paannhial piɔɔny an:

Danyel 7:1

Wään ë ruöön tueŋ ye Belcadhar melik de Babilonia, yɛn cï nyuöth, guɔ nyuuth tïŋ wakɔ̈u. Aguɔ nyuöth gäär piny, ku kënë ee kë wään cä gɔ̈ɔ̈r

Danyel 8:2

Në nyuuth yic yɛn cï rɔt yök ëthiäu ke ya rɛ̈ɛ̈r në Thutha pänydïït cï geeu nu wundït de Eelam. Yɛn aa kääc ë kiir de Yulai nɔm,

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Jowɛl 3:1

Aye Bɛ̈nydït lueel an, “Në aköölkë yiic, të lan Juda puɔ̈k nɔm miɛt ë guöpde kekë Jeruthalem.

Dhek 1:8

‘Yɛn ë nyuuth tïŋ wënakɔ̈u. Ëtɛ̈ɛ̈n, yɛn ë raan tïŋ ke nu ë jöŋgör thith kɔ̈u. Ku akääc në tiim ke merital yiic, në wakic. Ku jöŋgöör kɔ̈k akɛ̈ɛ̈ckï në yekɔ̈u ciëën, jöŋgör thith, ku jöŋgör kän yan, ku jöŋgör ɣer.

Kuɛ̈n 24:4

Raan lëu bï kë lueel ë Nhialic piŋ ë gɔk, raan ee nyuuth tïŋ tëde Nhialic Awärjäŋ, ago wïïk piny, ku ŋoot ke daai nyin.

Math 1:20

Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Math 2:19

Na wën, acï Ɣerod guɔ thou, ke tunynhial ë Bɛ̈nydït tul të Jothep ke ë nyuöth ë Rip,

Math 23:31

Luɛl luɛɛl wek en aya, yen aya wek röt tɔ ye cäätɔɔ në këde nɔmdun, luɔi aa wek kɔ̈th ke kɔc ɣɔn kur tït!

Math 23:34

Yen tëde ka, tiëŋkï, yɛn, tuc tït week, ku röör pelnïïm, ku kɔc ë löŋ gɔ̈ɔ̈r, ku we bï kɔ̈k ë keek nɔ̈k abäk ke piäät ë tiim cï rïïu nïïm kɔ̈ɔ̈th, ku we bï kɔ̈k ë keek dui ë wɛt ë ɣöötkuön ë Nhialic yiic, ku yaŋkï keek në pänydït tök ku lakï ë pänydït däŋë.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Luk 1:11

Na wën, ke tunynhial ë Bɛ̈nydït ë tul, ke kääc ë biäk cuëny de yïïŋ de nyum ë wal ŋïr.

Luk 1:22

Na wën, aacï bɛ̈n biic, ke cïï jam be lëu ke keek: agokï ŋic nɔn cï en nyuuth tïŋ Luaŋdït, aye keek nieu tei, ku gɛ̈ɛ̈k ke cïï jam.

Luk 20:6

Ku na luelku yen an, ‘Aa bɔ̈ tëde kɔc,’ wo bïï kɔc biɔ̈ɔ̈k ë kɔi kedhie: luɔi cï kek Jɔn gam ëgɔk an, ee tiët.”

Luɔi 10:11

Ku jɔ nhial tïŋ a ɣɔ̈ɔ̈r, go këdäŋ lööny piny ë yelɔ̈ɔ̈m, acït gök dïït ë lupɔ, cï mac ë cin kaŋuan, ke luɛɛiyë piny.

Luɔi 10:17

Na wën, aŋoot Petero ke dhɛl kë wën cï tïŋ ke ee nyuöth, akën yökic, ke kɔc cï tooc ë Korunelio ke ke dap bɛ̈n, acïk ɣön ë Thimon luɔp, ku kɛ̈ɛ̈ckï ë kal thok.

Epethiei 4:11

Go kɔ̈k gaam aye tuuc, ku gɛm kɔ̈k aye tït, ku bï kɔ̈k aa kɔc ë wëlpiɛth guiir, ku bï kɔ̈k aa kɔc ee kɔc tïït ku kɔc ee wëët.

Nyöŋ 18:15

Ku kë bïï looi, abï week tuöc tiët de Nhialic cït ɛn, raan de kɔckun yiic ku abäk dhil riëëu.

Nyöŋ 18:18

Abä keek tuöc tiët de Nhialic cït yïn raan de kɔcken yiic, abä lëk kë bïï lueel, ku abï kɔc lëk këriëëc cä lɛ̈k en ëbɛ̈n.

Ɣeberuu 1:1

Ɣɔn thɛɛr, tït ke Nhialic acïk jam de Nhialic lɛ̈k kuarkuɔ, në run juëc në kuɛɛr kithiic.

Nyuuth 11:10

Go kɔc rɛ̈ɛ̈r ë piny nɔm gokï piɔ̈ɔ̈th miɛt në thonden, ku dɔlkï, ku abïk röt miɔɔc ë käŋ kapäc, luɔi cï tïtkë kaarou kɔc rɛ̈ɛ̈r ë piny nɔm leeŋ wëi.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.

1 Tham 3:15

Go Thamwɛl niin agut cï run de piny. Na wën ke pääc, ku liep Luaŋdït thok, acï riɔ̈ɔ̈c në biäk bï yen Eli lëk nyuöth.

1 Tham 3:21

Go Bɛ̈nydït ŋoot ke nyooth rɔt në Cilo, ago rɔt nyuöth Thamwɛl ëtɛ̈ɛ̈n ku jiɛɛm ke yen. Ku të jiɛɛm ë Thamwɛl aaye kɔc ke Yithriɛl piŋ ëbɛ̈n.