Kuɛ̈n 12:2 - JAM DE NHIALIC 2011

² Gokï lueel an, “Ee Mothe yetök yen ee jam ë Bɛ̈nydït guiir? Na wook ayadäŋ cuku jamde duëër guiir? Mothe? Kën jam aya në kueer Go Bɛ̈nydït jamden piŋ.

Kuɛ̈n 12:2 ပူးပေါင်းရင်းမြစ်များ

Cäk 29:33

Na ɣɔn, ke Liya be liac, ku dhiëëth mɛwä. Go lueel an, “Acï Bɛ̈nydït tïŋ nɔn cï ya maan guöp, go ya gäm ee mɛnhë ayadäŋ.” Ago cäk an Thimion.

2 Tham 11:27

Na ɣɔn aacï tëde dhiëëu nɔm wan, go Debid tik tɔ lee bɛ̈ɛ̈i paande, ku jɔ tɔ ye tiiŋde. Go ye dhiëth wënde. Ku Bɛ̈nydït acï piɔ̈u bɛ̈n diu në kë cïï Debid looi.

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

Bɛ̈n 4:14

Ku ëtɛ̈ɛ̈n, Bɛ̈nydït acï piɔ̈u jɔ diu kekë Mothe, go lɛ̈k en an, “Na Aron Wänmuuth, raan ë Lebai yïdï? Aŋiɛc nɔn ŋic en jam apiɛth. Ku yen ënɔɔnë abɔ̈ kueer ke loor yïnɔm. Ku abï piɔ̈u miɛt të le yen yï yök.

Bɛ̈n 4:30

Na wën, ke guïïr Aron keek ka cïï Bɛ̈nydït lɛ̈k Mothe. Ku loi Mothe kake gäi kedhie në kɔc nïïm.

Bɛ̈n 5:1

Go Mothe kekë Aron lɔ tëde melik ë Rip, lek lɛ̈k en an, “Acïï Bɛ̈nydït lueel, Nhialic de Yithriɛl an, ‘Tɔ kɔckï jäl, lek dhuëëŋ bïï kek Ɛn näk looi ë jɔ̈ɔ̈ric, dhuëëŋ bï Ɛn miët piɔ̈u.’ ”

Bɛ̈n 7:10

Na wën, ke Mothe ë lɔ tëde melik kekë Aron, lek lɛ̈k kë cïï Bɛ̈nydït lueel. Na wën, ke Aron ë cuɛt thienyde piny në melik nɔm kekë bänyke. Go thieec rɔt puk ke ye kërac.

Kɛ̈ŋ 13:10

Dït ë nɔm ë agööth bɛ̈ɛ̈i, ku yök pɛlënɔm tëde raan ee jiëëm piŋ.

Yith 37:4

Melik de Athiriya acï Rabcaka bɛ̈ny de remdɛn ë tɔŋ tuööc bïï Nhialic pïïr läät. Bɛ̈nydït Nhialicda abï lɛ̈ɛ̈t lɛ̈ɛ̈t ë Yen piŋ, ku lui këtuc kɔc ë luel keek. Bä läŋ Nhialic në biäk de kɔckuɔn cï döŋ apïr.”

Maika 6:4

Wek cä bɛ̈ɛ̈i bei paan ë Rip, të wään ya wek lïïm thïn. Wek cä tuöc Mothe kekë Aron, ku Miriam bïk we bɛ̈n wat.

Kuɛ̈n 11:1

Go kɔc ke Yithriɛl dok ke piŋ ë Bɛ̈nydït në biäk de katuc cïk yök. Na wën, apiŋ ë Bɛ̈nydït keek, ke göth arëët, go many agönhde dëp në keyiic, go ɣööt nu në wut këc nyuɔp piny.

Kuɛ̈n 11:29

Go Mothe lɛ̈k en an, “Eeŋö dɔm ë tiɛɛl yïn në këdï? Na ee këdï, Bɛ̈nydït aduëër kɔcke gäm wëi kedhie, ku tɔ keek ee tït kedhie.

Kuɛ̈n 12:3

Ku Mothe aaye raan ee rɔt kuɔɔr piny arëët. Acïn raan ee rɔt kuɔɔr piny duëër kït ke yen në pinynɔm ëbɛ̈n.

Kuɛ̈n 16:3

acïk bɛ̈n guëër në Mothe lɔ̈ɔ̈m kekë Aron ku göthkï në keek luelkï an, “Këdun acäk ŋuak nɔm arëët! Akutnɔm de Yithriɛl ëbɛ̈n aɣeric acïn raan tök. Ku Bɛ̈nydït atɔ̈u ke keek. Ka yeŋö ya wek röt tïŋ cït ka wär kɔc?”

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Pilipoi 2:14

Yak këriëëc looi ëbɛ̈n ke we cïï piɔ̈ɔ̈th ee dok ku cäkï ee teer,

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.