Kuɛ̈n 11:20 - JAM DE NHIALIC 2011

²⁰ abäk cuet në pɛɛi yic ëbɛ̈n, man abäk nïïm tiëk në yen, ku thiɛkkï yïth në ye. Ku abï tɔ̈u aya, në biäk cä wek Bɛ̈nydït rɛɛc ke tɔ̈u në weyiic, ku eeŋa në we yiic, raan ee dok në Yen an adï kɛ̈nkï jäl ë Rip taitai.”

Kuɛ̈n 11:20 ပူးပေါင်းရင်းမြစ်များ

2 Tham 12:10

Ënɔɔnë abätäu acï bï jäl baaidu, në biäk cï yïn ya biɔɔn guöp, në rɛm yiic ëbɛ̈n abï dɛ raan ë käudu bï aa thou në thon akuöörkuöör, në biäk kën yïn Yɛn riëëu, ku nöm tiiŋ de Yuria.

Diɛt 106:15

go keek gäm ke kɔɔrkï, ku tuc keek jɔɔk tuc thook aläl.

Bɛ̈n 16:13

Na ɣɔn thëën, ke dhuööl ë thɔ̈rɔ̈ɔ̈l ë bɔ̈ piny nhial man abïï pɛɛny kum. Na ɣɔn amiäk, ke thäc ë geeu pɛɛny piny.

Bɛ̈n 16:3

Ku luelkï an, “Aŋuɛ̈n na Bɛ̈nydït ë cï wo nɔ̈k ë Rip. Adï cuëtku në rïŋ, ku ciëmku në kuïïn cït kë kɔɔr ë piɔ̈nda. Ke we bïï wo bei në ee jɔ̈ɔ̈rë yic bäk amatnɔm ëbɛ̈n bɛ̈n nɔ̈k në cɔk.”

Bɛ̈n 16:8

Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Kɛ̈ŋ 27:7

Të kueth ë raan acakaa kiëc aye rɛɛc, ku na näk cɔk raan ayï kë kec ee miɛt.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Kuɛ̈n 11:13

Bä rïïŋ dïït bï ke lëu kedhie jɔ yök ënou ënɔɔnë? Ayek cool ë kïïu ke ke kɔɔr rïïŋ cuetkï.

Kuɛ̈n 11:19

Ku acie rïïŋ bäk cuet në kööl tök tei, ku nɔn yen kööl kaarou, ku nɔn yen kööl kadhïc, ku nɔn yen kööl kathiëër,

Kuɛ̈n 11:21

Go Mothe lɛ̈k Bɛ̈nydït an, “Tïŋ da, wok ee 600,000 wodhie, ku luel an bä wook gäm rïŋ buk cuet në pɛɛi yic ëbɛ̈n?

Kuɛ̈n 14:3

Eeŋö leer ë Bɛ̈nydït wook ee pinyë? Wok bï lɔ nɔ̈k tɔŋ, ku diëërkuɔ, ayï mïthkuɔ abï keek peec. Cïï ŋuɛn pukku röt Rip?

Kuɛ̈n 14:4

Agokï lɛ̈k röt kapäc an, “Kuënyku röt bɛ̈ny, ku pukku röt Rip.

Kuɛ̈n 16:13

Kɛ̈në loi në biäk cï yïn wo jɔt ë Rip, piny ee wat ë ca ku miök ë kiëc, ku bä wo bɛ̈n tɔ thou në jɔ̈ɔ̈ric eenë?

Kuɛ̈n 20:4

Eeŋö bɛ̈ɛ̈i wek amatnɔm në ee jɔ̈ɔ̈rë yic, buk bɛ̈n thou eenë, wook në ɣɔ̈kkuɔ?

Kuɛ̈n 21:5

Gokï Nhialic jääm guöp, ku jiëëmkï Mothe guöp aya, luelkï an, “Eeŋö bɛ̈ɛ̈i wek wo bei Rip, bäk wook bɛ̈n tɔ thou në jɔ̈ɔ̈ric? Acïn këcam ku acïn pïïu dek. Wok ë bäp në këcam rɛɛcë.

Luɔi 13:41

Tiëŋkï, wek kɔc ee käŋ caany ë ɣɔ̈ric, abäk gäi, ku thuɔukï! Yɛn bï luɔi looi në kööldun, Luɔi cäkï bï gam anandun, të ciɛkë raan e guiëër week!”’

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

Jocua 24:27

Ku lëk ë Jocua keek kedhie an, “Tiëŋkï ee kuurë! Yen abï ya cäätɔɔ, në baŋ cï yen jam de Bɛ̈nydït piŋ ëbɛ̈n. Ee yen abï week aa täk nïïm, ke we cïï Nhialicdun bï wööc piɔ̈u.

1 Tham 10:19

Ee Yɛn Nhialicdun, Raan ë luäk week në nuɛɛnkun yiic ku ka dhal week ëbɛ̈n, ku ee köölë wek cï ya reec, ku lɛ̈kkï Yɛn an gäm week melik. Yen tëde ka, ënɔɔnë mätkï röt Bɛ̈nydït wedhie, në dhiëënkun ku ɣöötkun.”’

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.