Kuɛ̈n 11:16 - JAM DE NHIALIC 2011

¹⁶ Go Bɛ̈nydït lɛ̈k Mothe an, “Yiɛ̈në ya kɔc kathiërdhorou në röördït ke Yithriɛliic, kɔc lëu bääny në keyiic. Bɛ̈ɛ̈iyë keek në paany de mät thok, ku kääcë wekë keek ëtɛ̈ɛ̈n.

Kuɛ̈n 11:16 ပူးပေါင်းရင်းမြစ်များ

Cäk 46:27

Ku mɛ̈tkï në wɛ̈ɛ̈t ke Jothep kaarou, wään dhiëth piny ë Rip, ke kuën ee jɔ ya thiërdhorou ëbɛ̈n, kuën ë baai de Jakop.

Bɛ̈n 18:25

ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër.

Bɛ̈n 24:1

Na wën, ke lëk ë Bɛ̈nydït Mothe an, “Bäkï nhial ë kuur nɔm të nu Yɛn thïn, yïn wekë Aron, ku Nadap, ku Abiɣu, ku röördït ke Yithriɛl kathiërdhorou. Ku të kɛ̈n wek guɔ ɣëët tëthiɔ̈k, ke we gut wenïïm piny, ku lamkï Yɛn.

Bɛ̈n 24:9

Na wën, ke Mothe ë lɔ në kuur nɔm kekë Aron, ku Nadap, ku Abiɣu, ku röördït ke Yithriɛl kathiërdhorou.

Bɛ̈n 4:29

Ago Mothe lɔ Rip kekë Aron. Ku lek röördït ke Yithriɛl mat nïïm.

Jeremia 19:1

Go ë Bɛ̈nydït lɛ̈k yɛn bä gul ë tiɔp lɔ ɣɔɔc. Acï ya yɔ̈ɔ̈k ayadäŋ bä röördït kɔ̈k lɛɛr ë yɛn ku bäny de kake Nhialic kɔ̈k dït,

Edhekiɛl 8:11

Röördït ke baai de Yithriɛl kathiërdhorou, aake tɔ̈u ëtɛ̈ɛ̈n, ade yic Jadharia wën de Capan. Raan ëbɛ̈n në keyiic aa amuk thaŋ ye wal ŋïr nyop, ka tol de aŋïïr de wal alɔ nhial.

Kuɛ̈n 11:24

Go Mothe kɔc guiëër ke cïï Bɛ̈nydït lueel. Ku kuɛ̈ny röördït nu në kɔc nïïm kathiërdhorou. Ku leer keek në paany ë mät thok.

Kuɛ̈n 16:25

Go Mothe jäl kekë röördït ke Yithriɛl lekkï të nu Dathan ke ke, Abiram.

Luk 10:1

Na wën, aacï kakë thök, ke Bɛ̈nydït jɔ kɔc kɔ̈k kathiërdhorou cɔɔl aya, ku tooc keek renë kapäc ku renë kapäc, bïk lɔ pänydït ëbɛ̈n ku baai ëbɛ̈n, të bï en dap bɛ̈n thïn.

Luk 10:17

Na wën, ke kɔc kathiërdhorou ku rou ke ke jɔ kenïïm dhuny, ke ke mit piɔ̈ɔ̈th, ku jɔkï lueel an, “Bɛ̈nydït, aɣɔ̈l jɔɔk rac ayek këda gam në rinku!”

Nyöŋ 1:15

Guɔ kɔc ee kɔc wat nööm ë weyiic, ku tääu keek në wenïïm, ku kɔ̈k ye bäny de agum ë kɔc. Ku ye kɔ̈k bäny de bɔt ë kɔc, ku ye kɔ̈k bäny de thiërdhïc ë kɔc, ku ye kɔ̈k bäny ke thiëër ë kɔc, ku kuany bäny kɔ̈k aya në dhiëënkun yiic kedhie.

Nyöŋ 16:18

“Kuanykï bäny ee löŋ guiir ku bäny kɔ̈k ë dhiëënkun yiic, në wuötiic kedhie, wuöt cïï Bɛ̈nydït Nhialinydun ke gäm week. Kɔckë abïk löŋ ë kɔc aa guiir ke cïn tëŋ de yic.

Nyöŋ 31:28

Kuötkï röördït ke dhiëënkun ku bänykun kedhie në yanɔm aguɔ ee wëlkë bɛ̈n lueel ke ke piŋ. Ku caal paannhial kekë piny bïk aa cäätɔ në këden.