Kuɛ̈n 11:12 - JAM DE NHIALIC 2011

¹² Ee yɛn ë cak keek? Ee yɛn ë dhiëth keek? Ka eeŋö tɔ yïn ke guööc cït man ye awut meth boom në yeyɔu, abïk ɣet piny ɣɔn bï yïn kuëëŋ an bä gäm kuarken?

Kuɛ̈n 11:12 ပူးပေါင်းရင်းမြစ်များ

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

Cäk 24:7

Bɛ̈nydït, Nhialic de paannhial ë ya jɔt piny ë yï wää, piny ë dhiëëth ë ya thïn. Ku bïï ɛn ee pinyë. Ku thɔn ɛn an, ‘Pinyë abä gäm mïthku.’ Abï tunynhialde tuɔɔc ë yïnɔm tueŋ. Ku abï yï lɔ tɔ yök wëndï tik ëtɛ̈ɛ̈n.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

2 Mel 10:1

Käu de melik Aɣap rɛ̈ɛ̈r ë Thamaria ayek thiërdhorou. Go Jeɣu awerek gäär Thamaria, gɛ̈ɛ̈r bäny ke wut, ku röördït, ku kɔc ee käu de Aɣap gël, lueel an:

2 Mel 10:5

Go bɛ̈ny de rem tɔ̈u në ɣön ë melik nɔm, ku bäny mac baai, ku kɔc ke wut, ku kɔc ee mïth ke melik tiit, acïk awerekë bɛ̈n tuöc Jeɣu, luelkï an: “Wok ee lïïmku, ku wok gam këriëëc bä lɛ̈k wook ëbɛ̈n, ku acïn raan buk looi ke ye melik, loi kë ye tiŋ ke piɛth ë yïnyin.”

Bɛ̈n 13:11

Go Mothe lueel an, “Bɛ̈nydït acï kuarkun thɔn ɣɔn, ku thɔn week aya nɔn bï Yen we lɛɛr piny ë Kanaan. Të le Yen e gäm week,

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 33:1

Na ɣɔn, ke lëk ë Bɛ̈nydït Mothe an, “Jël ë në wekë kɔc wään bɛ̈ɛ̈iyë ke bei Rip. Lak piny ɣɔn cä thɔ̈n Abraɣam kekë Yithaak, ku Jakop, ayï mïthkɛn bï lɔ̈ɔ̈k tɔ̈u në kecök.

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 49:15

Go Bɛ̈nydït bɛ̈ɛ̈r an, “Duëër tik nɔm määr në mɛnhde ku cïï mɛnhdɛn ë dhiëëth nhiaar? Na cak man meth nɔm määr në mɛnhde, Yɛn cïï nɔm duëër määr ë week.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Jɔn 10:11

Yɛn ee tïn piɛth tïn ë thök: ku tïn piɛth ee wëike gaam në baŋ de thök.

1 Kor 4:15

Ku na cäk dɛ agum de kɔc kathiëër nu, kɔc ee week wɛ̈ɛ̈t ë ka ke Kërtho, ku acïn wärkun juëc nu: we cä dhiëëth ë Kërtho yic në guiëër ë wëlpiɛth.

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Nyöŋ 1:31

Ku wään ë jɔ̈ɔ̈ric acäk tïŋ ɣɔn ɣɛ̈ɛ̈cë Bɛ̈nydït Nhialicdun week, cït man ee wun meth wënde ɣääc, ku wek cï piny caath abäk jɔ ɣëët ee tënë.

1 Theth 2:7

Ku wok aaye ŋiëc rëër ëmääth ë weyiic, cït man ee tik mïthke ŋiëc muk apiɛth.