Kuɛ̈n 10:29 - JAM DE NHIALIC 2011

²⁹ Go Mothe lɛ̈k wën thuönde Ɣobap wën ë Rewel raan wun ë Midian an, “Wokï lɔ piny ɣɔn cïï Bɛ̈nydït thɔ̈n wook an bïï gäm wook. Acïï Bɛ̈nydït than nɔn bï yen Yithriɛl lɔ gäm kapiɛth kith ëtɛ̈ɛ̈n. Ka yïn, bä cathë we wook ëtök, ke yïn bï kapiɛthkë lɔ rɔm we wook.

Kuɛ̈n 10:29 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 32:12

Ku acï lueel ɣɔn Bɛ̈nydït an, “Yïn bä caath apiɛth, ku yïn bä gäm mïth juëc aläl, mïth cït liɛɛt ë wɛ̈ɛ̈r yɔu, mïth cïn raan duëër ke lëu në kuɛ̈n.”

Diɛt 100:1

Kɛ̈tkï Bɛ̈nydït diɛt, wek pinynɔm ëbɛ̈n!

Diɛt 34:8

Them tei, ku tïŋ luɔi piɛth de Bɛ̈nydït. Thieithieei në raan ye Bɛ̈nydït gël.

Diɛt 95:1

Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

Bɛ̈n 18:1

Jethro, monywun ë Mothe, bɛ̈ny dïït de kake Nhialic wun ë Midian, acï këriëëc cïï Nhialic luöi Mothe piŋ ëbɛ̈n, ku piŋ ka cï luöi kɔc ke Yithriɛl ɣɔn bïï en ke bei piny ë Rip.

Bɛ̈n 18:12

Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.

Bɛ̈n 18:27

Na wën, ke Mothe ë ruɛc Jethro cök kueer, go Jethro jäl ke lɔ wunde.

Bɛ̈n 2:18

Na wën, aa pukkï kenïïm wuönden Rewel, ke lop ë wuönden keek an, “Eeŋö dïït cä wek wenïïm dap guɔ lɔ puk aya ee köölë?”

Bɛ̈n 2:21

Go Mothe gam nɔn bï yen rëër ke yen. Go Mothe gäm Dhipoora nyande, thiɛɛk.

Bɛ̈n 3:1

Kööl tök, Mothe aa tit thök ke Jethro, monywun, bɛ̈ny dïït de kake Nhialic de Midian. Na wën, ke Mothe ë tëm thök jɔ̈ɔ̈r kɔ̈u, leer keek ë jɔ̈ɔ̈r thok baŋ të lɔ aköl athɛ̈i. Go ɣet Thinai, kuur ë Nhialic.

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Kuɛ̈n 10:28

Ku yen luɔi ë ye Yithriɛl rɔt kiëët ka, të kuëëth kek.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Luɔi 7:5

Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth.

Nyöŋ 30:5

Aguɔkï piny bɛ nööm, piny wään cïï kuarkun kɔn cieŋ. Ku abï week tɔ kueth ku tɔ week tɔ juëc awär juëc de kuarkun ɣɔn.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.

Bäny 1:16

Na wën ke kuat de wun tiiŋ ë Mothe, kɔc ke Keni, aake jël në kɔc ke Juda në Jeriko pänydït ë tiim ke akööt, lekkï ë jɔ̈ɔ̈r de Juda yic, piny cie luɔk, piny nu të lɔ wöuwic thiääk ke Arad. Gokï lɔ rëër në kɔc ke Amalek yiic ëtɛ̈ɛ̈n.

Bäny 4:11

Në ë kaamë yic Ɣeber raan ë Ken acï paanyde lɔ piäät të thiääk kekë Kedec të lɔ tim de ɣok në Dhananim. Acïk jäl në kɔc ke Keniken lɔ̈m, kuat de Ɣabap wënthun ë Mothe.

1 Tham 15:6

Go thok tuöc kɔc ke Ken, kɔc wään cï Yithriɛl ŋiëc luöi ɣɔn bï kek bei ë Rip, lueel, an, “Jälkï ku nyääŋkï kɔc ke Amalek piny, aguɔ week cïï nɔ̈k në keek ëtök.” Ago kɔc ke Ken jäl.