Kuɛ̈n 10:12 - JAM DE NHIALIC 2011

¹² Go kɔc ke Yithriɛl kɔ̈p ayadäŋ në jɔ̈ɔ̈r de Thinai. Go luät lɔ kɔ̈ɔ̈c në jɔ̈ɔ̈r de Paranic.

Kuɛ̈n 10:12 ပူးပေါင်းရင်းမြစ်များ

Cäk 14:6

ku tiamkï kɔc ke Ɣor në kur ke Edomiic agut cï Elaparan në jɔ̈ɔ̈r thok.

Cäk 21:21

Aa rɛ̈ɛ̈r ë jɔ̈ɔ̈r ë Paranic, go man en yɔ̈k nyan ë Rip, tɔ ye tiiŋde.

1 Mel 11:18

Agokï Midian nyääŋ piny ku lekkï Paran, go röör kɔ̈k röt lɔ mät keek. Ku jɔkï bɛ̈n lɔ Rip lekkï tëde melik de Rip, go melik de Rip Ɣadad gäm piny ku ɣöt, ku këcam.

Bɛ̈n 13:20

Go kɔc ke Yithriɛl jäl Thukoth, ku lek piɔ̈ɔ̈t Eetham, në jɔ̈ɔ̈r thok.

Ɣabakuk 3:3

Nhialic aa nyɔk bɛ̈n në Teman, Nhialic ɣeric abɔ̈ në kur ke Paran nïïm. Ka dhuëëŋde ë dït, të nhial ku piny ë thiäŋ ke lɛc de.

Kuɛ̈n 1:1

Bɛ̈nydït acï jam kekë Mothe në Paany de mät thok, në jɔ̈ɔ̈r de Thinai, në kööl ye pɛɛi de rou thok tök në ruöön ye run ke Yithriɛl rou të ɣɔn jël kek ë Rip, go jɔ lɛ̈k Mothe an,

Kuɛ̈n 10:33

Na wën, aa jäl kɔc ke Yithriɛl në kuur ë Bɛ̈nydït lɔ̈ɔ̈m, kuur ɣeric, acïk nïn kadiäk bɛ̈n nööm ke ke cath. Ku athänduŋde män ë Bɛ̈nydït ë keek bɛ̈n wat në ee nïnkë yiic kadiäk ke köör keek të bï kek lɔ piɔ̈ɔ̈t thïn.

Kuɛ̈n 12:16

Ku jɔkï bɛ̈n kuëëth Ɣadheroth lek piɔ̈ɔ̈t në jɔ̈ɔ̈r ë Paran.

Kuɛ̈n 13:26

Agokï lɔ Kadec në jɔ̈ɔ̈r ë Paran të nu Mothe kekë Aron, ku akutnɔm de kɔc ke Yithriɛl kedhie. Agokï ke guiëër ka cïk a yök, ku nyuthkï keek mïth ke tiim cïk bɛ̈ɛ̈i.

Kuɛ̈n 13:3

Go Mothe këde Bɛ̈nydït gam, ku tooc nëëm ke rɛ̈ɛ̈r në jɔ̈ɔ̈r ë Paranic. Ku nëëm ë tooc kedhie, aake ye bäny ke dhiëën ke Yithriɛl ku rinken kï: Dhiën Bɛ̈ny Ruben Camua wën ë Dhakur Thimion Capat wën ë Ɣori Juda Kalep wën ë Jepuna Yithakar Yigal wën ë Jothep Eparaim Ɣocia wën ë Nun Benjamin Palti wën Rapu Dhebulun Gadiel wën ë Thodi Jothep ɣön baai de Manatha Gadi wën Thuthi Dan Amiel wën ë Gemali Acer Thethur wën ë Maikɔl Naptali Nabi wën ë Popthi Gad Gewel wën ë Maki

Kuɛ̈n 2:34

Go kɔc ke Yithriɛl këriëëc cï Bɛ̈nydït lɛ̈k Mothe looi ëbɛ̈n. Gokï aa piɔ̈ɔ̈t akuut, ku kuëthkï në abeer cï kiëët në dhiën ku ɣööt.

Kuɛ̈n 9:1

Go Bɛ̈nydït jam kekë Mothe në jɔ̈ɔ̈r de Thinai yic, në kööl tueŋ de pɛɛi ye pɛɛi rou, pɛɛi ɣɔn jël ë Yithriɛl Rip. Go lɛ̈k Mothe an,

Kuɛ̈n 9:17

Të cï luät jäl në paany nɔm, ke kɔc ke Yithriɛl ë ke däk pɛɛnyken ku kuëthkï kuanykï luät cök. Na ëlë, ke ke lɔ piɔ̈ɔ̈t të cïï luät lɔ kɔ̈ɔ̈c thïn.

Kuɛ̈n 9:5

Na ɣɔn, në jɔ̈ɔ̈r de Thinai yic, ke kɔc ke Yithriɛl ë ke loi dhuëëŋ de winythok në kueer ɣɔn cïï Bɛ̈nydït nyuöth Mothe. Gɔlkï ɣɔn thëën, në kööl ye pɛɛi ye pɛɛi rou thok thiëër ku ŋuan.

Nyöŋ 1:1

Kënë ee jam lëkkë Mothe kɔc ke Yithriɛl kedhie, në jɔ̈ɔ̈r tɔ̈u në wɛ̈ɛ̈r de Jordan kɔ̈u të lɔ aköl amiäk, ku kɔc rɛ̈ɛ̈r ë jɔ̈ɔ̈ric, në Araba thiääk kekë Thup, në kaam de Paran kekë wuöt cɔl ke: Topel ku Laban ku Ɣadheroth ku Didhaɣab.

Nyöŋ 1:19

“Ku cït man cïï Bɛ̈nydït wook yɔ̈ɔ̈k, Goku jäl ë kuur ë Thinai ku tëku ë kueer ë jɔ̈ɔ̈r dïït de riɔ̈ɔ̈c tɔ̈u piny ë kuur ë kɔc ke Amor, na wën acuk ɣëët Kadec Barniya,

Nyöŋ 1:7

Cuɔckï röt ku lakï piny ë kuur de kɔc ke Amor, ku lɔ ɣään thiɔ̈k ëtɛ̈ɛ̈n në Araba ku Jordan yɔu kedhie, ku kur nïïm ku lɔ të lɔ aköl athɛ̈i ku të lɔ wöuwic, ku të lɔ Wɛ̈ɛ̈rdïït ɣer yɔu ku piny de Kanaan kekë Lebanɔn lɔɔr abä ɣet wɛ̈ɛ̈r dït yɔu, wɛ̈ɛ̈r ë Yuparat.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

1 Tham 25:1

Na ɣɔn thouwë Thamwɛl, go kɔc ke Yithriɛl keyiic määt kedhie ku dhiëëukï. Agokï jɔ tɔ̈ɔ̈u wunde në Rama. Go Debid jäl ëtɛ̈ɛ̈n ke lɔ në jɔ̈ɔ̈r de Mawonic.