Kuɛ̈n 10:10 - JAM DE NHIALIC 2011

¹⁰ Ku në kööl ë dhuëëŋ ayadäŋ ke we koth kɛŋ, dhuëëŋ cak mäc akööl, ayï dhuëŋkuön ke wil ë pɛ̈i. Yak ke kooth të gam wek miɔ̈c ye nyop ëbɛ̈n, ayï miɔ̈c de mät. Ku ëtɛ̈ɛ̈n, abïk Bɛ̈nydït Nhialicdun ee täk nɔm në week.

Kuɛ̈n 10:10 ပူးပေါင်းရင်းမြစ်များ

2 Mel 4:23

Ago lueel an, “Eeŋö lɔ kɔɔr tëde yen ee köölë? Acie Thabath, ku cie Dhuëëŋ de wil ë Pɛɛi.” Go pɔ̈k nɔm en an, “Ee këpiɛth.”

1 Lëk 15:24

Ku Cebania, ku Jocapat, ku Nethaniɛl, ku Amathai, ku Dhekaria, ku Benaya, ku Eliedher, bɛ̈ny de kake Nhialic, ee yen bï kaaŋ aa kooth në athänduŋ de män ë Nhialic nɔm. Ku Obed Edom, ku Jeɣia keek aya abïk aa kɔc ee tïït në kal de Athänduŋ de mät thok.

1 Lëk 15:28

Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

1 Lëk 16:42

Ɣeman ku Jeduthun aake ye bäny ee kɛŋ ku thoom muk, ku lɔ ka kɔ̈k ke kët, ka ye diɛt ke piɔ̈ny kiit. Ku kɔc ke dhiën de Jeduthun acï ke tɔ ee kɔc ee kal tiit thok.

2 Lëk 29:26

ku ka ke kiët cït ka wään ye melik Debid lui në keek. Ku kääc bäny ke kake Nhialic ëtɛ̈ɛ̈n ke ke muk kɛŋ ayadäŋ.

2 Lëk 29:28

Go amatnɔm tɔ̈u ëtɛ̈ɛ̈n ëbɛ̈n mɛt ë läm yic, ku ketkï diɛt ku lɔ kɛŋ ke ke kooth agut të bïï miɔ̈c ye nyop ëbɛ̈n thök.

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Edhr 3:10

Na wën aacï kɔc yïk këërkëër de Luaŋdït tääu piny, go bäny ke kake Nhialic bɛ̈n tueŋ ke ke cieŋ lupɔɔken ku mukkï kɛŋ, ku bɔ̈ Lebai dhiën de Athap ke ke muk apajiiken, në luɔi bï kek Bɛ̈nydït leec, cït man cï Debid, melik de Yithriɛl ye lueel.

Neɣe 12:35

Kɔc raan ë keek aake nu yï: Dhekaria wën de Jɔnathan, wën de Cemaya, wën de Matania, wën de Mikaya, wën de Dhakur, wën de Athap.

Diɛt 150:3

Lɛckï ë kɛŋ. Lɛckï ë diɛt ke thom ku aruöör.

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Diɛt 81:4

Kënë ë löŋ në Yithriɛl, jam ë lueel Nhialic de Jakop.

Diɛt 89:15

Ee miɛtëpiɔ̈u yïndï yen ee tɔ̈u kekë kɔc ee Yïn lam në diɛt, ku yek rɛ̈ɛ̈r në ɣɛɛr de piathëpiɔ̈ndu yic!

Bɛ̈n 28:29

“Të le Aron tëɣeric, abï lupɔ de yɔu aa cieŋ ke de kɔ̈u rin ke juöör ke Yithriɛl, ke bï Ya aa täk nɔm në kɔckï, Yɛn Bɛ̈nydït.

Bɛ̈n 30:16

Määtkï wëu ke atɛɛm yiic tëde kɔc ke Yithriɛl kedhie, ku dɔ̈t wek paany de mät. Kakë ee wëu bïï ë week teem gup. Ku Yɛn bï Yanɔm aa tak, ku gɛ̈l keek.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Lebai 23:24

“lɛ̈kë kɔc ke Yithriɛl an, ‘Në kööl tueŋ de pɛɛi ë dhorou, wek bï nïïm dhiɛl dɛ kööl de lɔ̈ŋ ɣeric. Kɔc abïk dhil guëër të töŋ de lɔ̈ŋ, ku jɔ gɔl thar ë kɛŋ bï keek kooth.

Kuɛ̈n 10:9

Ku të yiɛ̈n wek kɔc ke ater tɔŋ, kɔc yɔŋ week, ke we koth kɛŋ ke tɔŋ. Ku yɛn, yɛn Bɛ̈nydït Nhialicdun, wek bä kony ku luäk week në kɔc ke ater.

Kuɛ̈n 28:11

Gɔl ë wil ë pɛɛi, wek bï Bɛ̈nydït dhil aa gäm miɔ̈c ye nyop ëbɛ̈n, miöör kor kaarou ku amäl tök, ku nyök kaarou ee ruöön tök ke ke cïn gup tëdak,

Kuɛ̈n 29:1

Në kööl tueŋ në ruöön ee kek dhorou wek bï we nïïm mat në lɔ̈ŋ ɣeric yic, ku acïn luɔi bï nu në ee köölë. Kɛŋ abïï ke kooth.

Math 11:28

Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

1 Kor 15:52

ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk.

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

1 Theth 4:18

Yen ya wek wepiɔ̈ɔ̈th muk wapäc në wëlkë.

Jocua 4:7

Abäk aa lɛ̈k keek nɔn ë cïï wɛ̈ɛ̈r de Jordan kɔ̈ɔ̈c në wat ɣɔn tëëm athänduŋ de män ë Bɛ̈nydït kiir kɔ̈u. Ka kurkë, abïk kɔc ke Yithriɛl aa täk nïïm ë caaŋden, në kë ë cï rɔt looi eenë.”

Jocua 6:4

Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.

1 Tham 20:5

Go Debid lɛ̈k Jɔnathan an, “Miäk ruu piny, ee dhuëëŋ de wil ë pɛɛi, ka rɔ̈ŋ bä lɔ cam wokë Melik. Ku ënɔɔnë, na piɛth ë yïpiɔ̈u, ke yɛn duëër jäl la thiaan roor, agut cï rutui thëën.”