Kolothai 4:5 - JAM DE NHIALIC 2011

⁵ Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

Kolothai 4:5 ပူးပေါင်းရင်းမြစ်များ

Diɛt 90:12

Wɛ̈ɛ̈të wook buk lik de aköölkuɔ ŋic, agoku pɛlënɔm yök ë wo piɔ̈ɔ̈th.

Danyel 2:8

Go ë melik jɔ lueel an, “Acä jɔ ŋic ëdhöc, nɔn ta wek kaam tɛ̈k, në baŋ ya wek en tïŋ nɔn cän ë dhel ë yapiɔ̈u,

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Mak 4:11

Go ke yɔ̈ɔ̈k an, “Acï gäm week luɔi bä wek këcïthiaan ŋic, këde ciɛɛŋ de Nhialic: ku tëde kɔc nu biic, käŋ kedhie aye ke looi në kɛ̈ŋ:

Romai 16:19

Ku piŋ piɛŋ wek löŋ acï ɣet tëde kɔc kedhie. Aguɔ piɔ̈u miɛt në baŋdun, ku ënɔɔnë yɛn kɔɔr luɔi bä wek aa kɔc pelnïïm të lɔ këpiɛth, ku yak kɔc kuc käŋ të lɔ kërac.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Theth 4:12

Luɔi bä wek rëër ke we lɔ piɔ̈ɔ̈th gɔk në kɔc nu biic, ku cïn kë bï we dak.

1 Tim 3:7

Ku abï dhil aa raan piɛth rin tëde kɔc nu biic aya, ke cïï këdäŋ bï wööc kë bï e gɔ̈k, ago cuö lööny ë wïn ë jɔŋdït racic wïn ë dëp.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Pet 3:1

Yen acït rëër bä wek aa rëër ë jam de röörkun yiic röörkun gup, wek diäär, ku na cak dɛ röör cïï jam gam, ka duëërëke tɔ gäm në täu piɛth de diëërken, na cakaa yen ë cïn gäm,