Kolothai 3:25 - JAM DE NHIALIC 2011

²⁵ Ku raan ë kërac looi abï këde yök në kërɛɛc cï looi, ku kuëny bï kɔc aa kuany yiic aliu.

Kolothai 3:25 ပူးပေါင်းရင်းမြစ်များ

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Jop 34:19

Yen acïï rɔt ee mät bäny ku nɔn nhiɛɛr kɔc kueth, ku mäl kɔc kuanynyïïn, Yen aa cak raan ëbɛ̈n.

Jop 37:24

Acie këdïït ë gäi, bï raan ëbɛ̈n riɔ̈ɔ̈c në Yen tëdɛn rëër kek thïn, kɔc ee ye lueel an pelkï nïïm.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Luk 20:21

Gokï thiëëc an, “Bɛ̈ny ee wëët, yïn ŋicku nɔn ee yïn käŋ lueel apiɛth ku wɛ̈ɛ̈të kɔc apiɛth, ku cïï kɔc ee kuany yiic, ku ye kɔc wɛ̈ɛ̈t ë kueer ë Nhialic në yic.

Luɔi 10:34

Na wën, ke Petero tuer e thok, ku lueel an, “Yɛn ë Nhialic tïŋ ë yic, nɔn cïï en ee raan ee kɔc kuany yiic.

Romai 2:11

Kuëny ee kɔc kuany yiic aliu tëde Nhialic.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Epethiei 6:8

Në ŋïny ŋiɛc wek cöökë an, të de en këpiɛth ee raan looi, ke yen abï yök tëde Bɛ̈nydït, nɔn ee yen lïm, ku nɔn ee yen raan lääu nɔm.

Epethiei 6:9

Ku wek bäny de nïïm lïïm, yak luui wäklë ayadäŋ tëde lïïmkun, yak wɛ̈i pɔ̈l wɛ̈i aa wek ke waai: në ŋïny ŋiɛc wek cöökë an, Bɛ̈nydun week ayadäŋ anu paannhial, ku acïn kuëny ee yen kɔc kuany yiic.

Nyöŋ 1:17

Ku të guiɛɛr wek löŋ, yak kɔc kiëët nïïm kedhie, ku duökï kɔc ee pɔ̈ɔ̈c yiic, cakaa raan yïndï ë cïn raan ya wek riɔ̈ɔ̈c ë yen në biäk ee guiëër ë löŋdun bɛ̈n tëde Nhialic. Ku bɛ̈ɛ̈ikï gööny rilic tëde yɛn ku abä keek bɛ̈n guiir.’

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

Kolothai 4:1

Wek bäny de lïïm, yak lïïmkun gäm ka röŋ ë luɔiden, yak ke miɔɔc ë ke kiëëtkï, aŋiɛckï nɔn dɛ wek Bɛ̈nydun aya paannhial.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

2 Theth 1:6

tën ee yen këpiɛth tëde Nhialic luɔi bï en këtuc cool nɔm tëde kɔc ee ye week luöi këtuc,

Pile 1:18

Ku të cï en yïn wäc käŋ, ku na de këduön cath ke ye, ke jɔ tääu ë yayeth.

Ɣeberuu 2:2

Ku na cï jam ɣɔn lëk ë tuucnhial kuarkuɔ jɔ aa yic, ku le dɛ raan kën yen kuany cök, ku nɔn kën en en gam, abï luöi këtuc thok rɔ̈ŋ ke awänyde.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.