Kolothai 3:23 - JAM DE NHIALIC 2011

²³ Na de kë luɔikï, ke luɔikï ë wepiɔ̈ɔ̈th thïn, cït man aa wek Bɛ̈nydït luööi, ku cäkkï kɔc ee luööikï tei.

Kolothai 3:23 ပူးပေါင်းရင်းမြစ်များ

2 Lëk 31:21

Ku kë ye looi ëbɛ̈n aaye tiam thïn, në biäk de ka cï luöi ɣön ë Nhialic ëbɛ̈n, ku në biäk yen wëët ku lööŋ kuany cök, aaye looi në yepiɔ̈u ëbɛ̈n ë riëëu de Nhialic ago jɔ kuɛth.

Diɛt 103:1

Wek wëikï, we bï Bɛ̈nydït thieei, ku guöpdï ëbɛ̈n, abï rinkɛn ɣeriic thieei!

Diɛt 119:10

Acä them në piɔ̈ndï ëbɛ̈n bä Yïn luöi, gël yɛn ke ya cïï lööŋku bï dhoŋ kɔ̈ɔ̈th.

Diɛt 119:145

Yïn caal në piɔ̈ndï ëbɛ̈n, Bɛ̈nydït, piŋ këdï, ku yɛn bï lööŋku riëëu!

Diɛt 119:34

Wɛ̈ɛ̈rë yɛn yic lööŋku, ku abä keek riëëu yic, abä keek muk ë yapiɔ̈u ëbɛ̈n.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Romai 14:6

Raan riëëu akööl, ee këde Bɛ̈nydït en a riëëu en en, ku raan cïï akööl ee riëëu, ee këde Bɛ̈nydït en acïï en en ee riëëu. Ku raan ee cam, ee cam në këde Bɛ̈nydït, ago lueel an, Thieithieei Nhialic, ku raan cie cam, ee këde Bɛ̈nydït en acïï en ee cam, ku lueel an, Thieithieei Nhialic.

Romai 14:8

Pïïr pïïr wok, ee këde Bɛ̈nydït en pïïr wok, ku thon thou wok, ee këde Bɛ̈nydït en thou wok, ayï të pïïr wok ayï të thou wok, wok ee kɔc ke Bɛ̈nydït.

Epethiei 5:22

Wek diäär, yak tɔ̈u ë röörkun cök, röörkun gup, acït man täu wek ë Bɛ̈nydït cök.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:13

Yak ciɛɛŋ ëbɛ̈n gam në biäk de Bɛ̈nydït ciɛɛŋ ee kɔc piny cieŋ: nɔn ee yen melik, raan nu ë kɔc nïïm kedhie,

1 Pet 2:15

Yen aye këde Nhialic piɔ̈u, yen luɔi aa wek këpiɛth looi, aguɔkï kɔc cïn nïïm miɛɛm ë kuny kuc kek käŋ.