Kolothai 3:20 - JAM DE NHIALIC 2011

²⁰ Wek mïth, yak ka ke kɔc ë dhiëëth week piŋ ë këriëëcic ëbɛ̈n, kënë amit ë Nhialic piɔ̈u.

Kolothai 3:20 ပူးပေါင်းရင်းမြစ်များ

Cäk 28:7

Ku tïŋ luɔi cï Jakop wun gam thok kekë man, ku jël ke lɔ Methopotamia.

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Kɛ̈ŋ 20:20

Mïth ee wärken ku märken läät, abïï ke pïïrden teem kɔ̈u.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Kɛ̈ŋ 6:20

Döt löŋ ë wuur mɛnhdï, ku du nɔm kɔn määr në wëët ë moor.

Jeremia 35:8

Wok cï lööŋ cï Jonadap wën de Rekap gäm wook riëëu kedhie. Wook ku diëërkuɔ, ku wɛ̈ɛ̈tkuɔ ku duetkuɔ, wok cie dek në mɔ̈u.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Math 19:19

Ye wuur riëëu kekë moor ku nhiaar raan rɛ̈ɛ̈r kekë yïn, cït man nhiɛɛr yïn rɔt.”

Epethiei 5:24

Ku acït man tɔ̈u ë ɣön ë Nhialic ë Kërtho cök, yen acït täu duëërë diäär tɔ̈u ë röörken cök röörken gup në këriëëc ëbɛ̈n.

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 3:22

Wek lïïm, yak ka ke bänykun piŋ, bäny ceŋ wegup, duökï ee luui ë kë woi kɔc, cït man ë kɔc ë kɔc math nyïïn, yak luui në piɔ̈n cïnic anäinäi, në riëëu riëëu wek Nhialic.

Tito 2:9

Ku yöök lïïm an, bïk rëër ë bänyken cök, bänyken gup, agokï ke tɔ mit piɔ̈ɔ̈th ë këriëëcic ëbɛ̈n, ku cïkï löŋ ë bɛ̈ɛ̈r,

Ruuth 3:5

Go Ruuth lueel an, “Apiɛth, këriëëc cï lueel ëbɛ̈n abä looi.”