Kolothai 3:15 - JAM DE NHIALIC 2011

¹⁵ Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.

Kolothai 3:15 ပူးပေါင်းရင်းမြစ်များ

Diɛt 100:4

Ku ye tëëk ee kal thok në miɔ̈c de thieithieei, lɔ ë pëërde yic ke lec, gämë alɛɛc, ku thiei rinke.

Diɛt 107:22

Abïk Bɛ̈nydït dhil gäm miɔ̈c de thieithieei, ku në diɛt ke miɛtëpiɔ̈u abïk ka cï looi kedhie nyuɔɔth.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 27:5

Ku të kɔɔr de ater ë kɔckï bä ke kony, ë ke loi mät në Yɛn. Ɣɛɛ, ë ke loi mät në Yɛn.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 57:19

Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

1 Kor 10:17

Ku wook, acakaa wok ë juëc, wok ee kuïn tök, ku yok guöp tök: në röm ee wok kuïn töŋë rɔm wodhie.

1 Kor 7:15

Ku raan kën gam, të jël en, ke lɔ: na loi yen aya, ke raan cï gam, nɔn ee yen moc ku nɔn ee yen tik, acïn kë cï e mac, cït man ë lïm: ku Nhialic acï wo cɔɔl në këde mät.

2 Kor 4:15

Ku käŋ kedhie atɔ̈ukï në biäkdun, ke dhuëëŋdepiɔ̈u bï rɔt ŋuak në kɔc juëc në luɛl cï kɔc juëc thieithieei lueel, ke Nhialic bï dhuëëŋ yök.

2 Kor 9:11

ke we bï tɔ kueth ë këriëëc abäk piɔ̈ɔ̈th adhuɛ̈ŋ aläl, en aye Nhialic tɔ yök lɛc në wook.

Epethiei 4:16

Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Epethiei 5:1

Yen dam wek täu de Nhialicic, cït mïthkɛn nhiɛɛr.

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

1 Tim 2:1

Yen a kan ɛn yï yɔ̈ɔ̈k ë käŋ kedhie an, Pal, ku lɔ̈ŋ, ku kɔ̈ɔ̈r ë këdäŋ, ku thieithieei, abï ke ya lueel në baŋ de raan ëbɛ̈n,

1 Tim 6:12

Ye biök ë biök piɛth biök de gäm, ye pïïr athɛɛr muk aril, en aa cɔɔlë yï aya, ku yen aa gëm yïn ë gäm piɛth ë yïthok ee cäätɔɔ juëc nïïm.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

Nyuuth 7:12

luelkï, an, “Amiin: Athiɛɛi, ku dhuëëŋ, ku pɛlënɔm, ku thieithieei, ku riëëu, ku riɛldït, ku riɛl ee käŋ lëu, ë ke ye tɔ̈u në Nhialicda aɣet wadäŋ thɛɛr ya. Amiin!”