Kolothai 2:6 - JAM DE NHIALIC 2011

⁶ Yen ka, acït man cä wek Kërtho Yecu Bɛ̈nydït nööm, yen rɛ̈ɛ̈r wek ë yeyic aya.

Kolothai 2:6 ပူးပေါင်းရင်းမြစ်များ

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Math 10:40

“Raan dɔm week ke dɔm ɛn aya, ku raan dɔm ɛn, ke dɔm raan ë toc ɛn.

Jɔn 13:20

Wek yɔ̈ɔ̈k ëyic an, “Raan gam raan bä tooc, ka gam ɛn, ku raan gam ɛn, ka gam raan ë toc ɛn.”

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 5:7

(Ee gäm en aye wo rëër acie daai).

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

1 Jɔn 2:6

raan luel en an, rëër ë yeyic, abï dhil tɔ̈u ë täu man ɣɔn ee yen tɔ̈u.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.