Kolothai 2:15 - JAM DE NHIALIC 2011

¹⁵ Ɣɔn cï en bäny yak ayï riɛl, tɔ ke ë ka bï kɔc woi, ago keek thel në tiëm cï en ke tiaam ë yen.

Kolothai 2:15 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Math 12:29

Duëër raan lɔ ɣön ë raan ril adï, le ku yiɛk kake, të ŋoot en ke kën raan ril kɔn duut? Aduëër kɔn duut ku jɔ ɣönde yak.

Luk 10:18

Go ke yɔ̈ɔ̈k an, “Yɛn ë Catan tïŋ ke lööny piny paannhial cït man ë wilëdeŋ.

Luk 11:22

Ku të bï raan ril ë yen, ku tiɛɛm en, ke jɔ kakɛn ë tɔŋ nööm tëde yen, kakɛn ee yen ke rɔt ŋɔ̈ɔ̈th, ku jɔ wëukɛn cï peec tek.

Jɔn 16:11

në këde guiëërëlöŋ, luɔi cï löŋ de bɛ̈ny ceŋ pinyë nɔm thök ë guiëër.

Jɔn 19:30

Na wën, aacï Yecu mɔ̈n cï wac nööm, ke jɔ lueel an, “Ë jɔ thök!” Go enɔm guöt piny, ku jɔ thöök.

1 Kor 15:24

Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n.

2 Kor 2:14

Ku thieithieei Nhialic, Raan ë cool ë tɔ wo tiam käŋ ë Kërtho yic, ago atuömde tɔ tiëc në wook ë baai nɔm ëbɛ̈n, atuöm de ŋïny bï kɔc e ŋic.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Epethiei 3:10

ke pɛlënɔm de Nhialic, pɛl kithic aläl, ke bï ŋic ë ciɛɛŋ ku riɛl nu paannhial në ɣön ë Nhialic ënɔɔnë.

Epethiei 4:8

Yen a lueel en en an, “Ɣɔn le yen nhial, ke thel kë ye kɔc mac ke mac, Ku jɔ kɔc miɔɔc në käŋ.”

Epethiei 6:12

Wo cie wït në rïŋ ku riɛm, wok ee wït në ciɛɛŋ, ayï riɛl, ayï bänydït ke cuɔlëpinyë ënɔɔnë, ayï rɛm ke jɔɔk rac, rɛm nu tënhial, kek a wït wok ë ke.

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

Kolothai 2:10

Ku we cï kuɛth ë yen, raan nu ë bäny nïïm kedhie ku nu ë riɛl nɔm ëbɛ̈n.

Ɣeberuu 2:14

Wok ee kɔc de gup rïŋ ku riɛm. Ku Yen aya, ade guöp cï wook. Yen kë ë tɔ Yen ee raan töŋ ë woyiic ka, ku kën ë looi Yen ee kënë ee luɔɔi bï Yen jɔŋdït rac riɔ̈ɔ̈k në thonde, raan nu riɛl ë thuɔɔu ë yeciin.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.