Kolothai 1:4 - JAM DE NHIALIC 2011

⁴ Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

Kolothai 1:4 ပူးပေါင်းရင်းမြစ်များ

2 Kor 7:7

Ku acie në bɛ̈nde etök, ku në riët cï e riit piɔ̈u yenguöp në këdun ayadäŋ, wään lëk en wook täŋ aa wek ɛn tak aläl, ayï dhiën aa wek dhiau, ayï lɛ̈thduön aa wek yiic lɛ̈th në biäkdï, aguɔ piɔ̈u jɔ miɛt arëët awär miɛtëpiɔ̈u awään.

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 1:15

Ku yɛn aya, të cän gämduön cä wek Bɛ̈nydït Yecu gam piŋ, ku piɛŋ nhiëër nhiaar wek kɔc ɣerpiɔ̈ɔ̈th kedhie,

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

Pile 1:5

Në luɔi cän nhiëërdu piŋ ku piɛŋ gämduön cï yïn Bɛ̈nydït Yecu gam, ku nhiëër nhiɛɛr yïn kɔc ɣerpiɔ̈ɔ̈th kedhie.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

1 Jɔn 3:14

Aŋicku nɔn cï wok bɛ̈n bei ë thuɔɔuwic lok të nu pïïr, në nhiëër nhiɛɛr wok mïthëkɔckuɔ. Raan cïï kɔc ee nhiaar, ka tɔ̈u ë thuɔɔuwic.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.