Kolothai 1:29 - JAM DE NHIALIC 2011

²⁹ Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

Kolothai 1:29 ပူးပေါင်းရင်းမြစ်များ

Luk 13:24

“Yak cök ë thɛm wek en arëët luɔi bä wek tëëk ë kalthok thoŋ kooric: wek yɔ̈ɔ̈k an, kɔc juëc abïk lɔ thïn kɔɔr, ku acïkï bï lëu.

Romai 15:20

Yeka, aa nu ë yapiɔ̈u luɔi bän wëlpiɛth aa guiir, të kënë rin ke Kërtho kɔn lueel, ku yɛn aa cïn piɔ̈u luɔi bän yïk ë këërkëër ë raan däŋ nɔm.

Romai 15:30

Ku ënɔɔnë, wek läŋ, wek mïthëkɔckuɔ, në biäk de Bɛ̈nydan Yecu Kërtho, ku nhiëër ë Wëidït an, bäk a kony në lɔ̈ŋ aa wek Nhialic lɔ̈ŋ arëët në biäkdï, cït man ë kɔc wiët,

1 Kor 12:11

Ku kake kedhie aye Wëidït töŋ manë ke looi, ago raan ëbɛ̈n tɛ̈k käŋ, ŋɛk ke këde pei, ku ŋɛk ke këde pei, acït man nu en ë yepiɔ̈u.

1 Kor 12:6

Ku luɔi ee kɔc looi akithic, ku yen Nhialic töŋ manë yen ee këriëëc looi ëbɛ̈n ë kɔc yiic kedhie.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 13:3

Luɔi kaar wek ŋïny bä wek e ŋic ëgɔk nɔn jiɛɛmë Kërtho ë yathok, ku yen acïï kɔ̈c tëde week, aril aläl ë weyiic:

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

2 Kor 6:5

Në dui duiyë wook, në mäny mɛcë wook, në awuööu dït, në luɔi ril, në yïn ee wo yïn, në mɔ̈l ee wo mɔ̈l ë nïn ku cäm.

Epethiei 1:19

ku lak riɛldɛn dït ŋic, dït dïït en aläl awär këriëëc, riɛldɛn dïït cï nyuöth wook wok kɔc cï gam, acït man ë luɔi de riɛldɛn dïït agök,

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Epethiei 3:7

Ku yɛn cï tɔ ye raan ë wëlpiɛthkë looi, acït man cï a miɔɔc në dhuëëŋ ë Nhialic piɔ̈u në luɔi de riɛlde luɔi ë käŋ tiiŋ yiic.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 1:30

Wït aa wek wït ënɔɔnë ee wït cït kë cäk tïŋ ë yaguöp, ku acït kë piɛŋkï ënɔɔnë nɔn wiët ɛn.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Pilipoi 2:16

ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Kolothai 2:1

Ku yɛn kɔɔr luɔi bä wek e ŋic biök dïït aa yɛn biök në biäkdun, ku në biäk de kɔc nu Laodikia, ku në biäk de kɔc kɔ̈k kedhie kɔc kën a tïŋ nyin ë guöpic.

Kolothai 2:12

We cï tɔ̈ɔ̈u në yen ëtök në baptith, ku we cï bɛ jɔt thïn aya, në gäm cä wek luɔi de Nhialic gam, Raan ë jɔt en ë kɔc cï thou yiic.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

2 Theth 3:8

ku acïn kuïn de raan töŋ cuk cam youyou, wok ee luui, wok ee röt näk piny ë luɔi arëët, wok ee luui aköl ku wakɔ̈u, ke wo cïï raan töŋ ë wek yiic duëër miɛn.

2Tim 2:10

Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

Ɣeberuu 12:4

Acïn raan cï we guɔ lɛ̈u riɛm, në wït wiët wek në kërac.

Nyuuth 2:3

Ku ŋiɛc guöm ee yïn käŋ guum ë liɛɛr ë yïnpiɔ̈u në baŋ de rinkï, ku näŋ ee yïn rɔt näk piny ë luɔi ku cïï bäp.