Kɛ̈ŋ 8:17 - JAM DE NHIALIC 2011

¹⁷ Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Kɛ̈ŋ 8:17 ပူးပေါင်းရင်းမြစ်များ

2 Lëk 34:3

Na ɣɔn cï Jothia run aa bɛ̈t ke ye melik, ku ŋoot ke ye meth aya, ke gɔl läm de Nhialic de kuɛɛrë melik Debid. Na ɣɔn aa cï run wan kaŋuan, ke riäk ɣään ye yiëth lam, ku riëëk kïn de yanh tik Acera, ku lɔ yiëth kɔ̈k ëbɛ̈n.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Kɛ̈ŋ 2:4

Ku të yïn e kɔɔr arëët abä ciët ke kɔɔr ateek, ku ka lɛ̈k cï thiaan tuc ë ɣööcden.

Kɛ̈ŋ 2:5

Të le yïn e looi aya ke yïn bï riëëu de Bɛ̈nydït jɔ ŋic, ku yïn bï tiam ëŋïny de Nhialic.

Kɛ̈ŋ 4:6

Du pɛlënɔm päl, abï yï gël, nhiaar pɛlënɔm, ku döt apiɛth.

Kɛ̈ŋ 8:16

Bɛ̈ny ëbɛ̈n në piny nɔm ee ŋiëc guïïr në kuɔɔnydï, ayï adhuëëŋ ku bäny ee yɛn ee keek kuɔny.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Diɛt ke 3:4

Ku tëthiin wën nyääŋ ɛn keek piny, acä guɔ lɔ yök, guɔ dɔm ku cä be pɔ̈l ajäl, aɣët të bän yen lɛɛr ɣön ë maar, ɣön ɣɔn dhiëëthë ya thïn.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Mak 10:14

na wën, aacï Yecu ye tïŋ, ke diu piɔ̈u arëët, ku yöök keek, pälkï mïththiaakäŋ ë ke bɔ̈ të nuö yɛn, duökï ke pën: ciɛɛŋ de Nhialic ee këde kɔc cït keek.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Jɔn 5:4

Ade tunynhial ë Bɛ̈nydït ee bɛ̈n piny le ë awuölic ëkööl mɛɛn, bï pïïu bɛ̈n weer: ku raan ë kɔn lɔ ë pïïu yiic, të cï ke weer, ka bï waar ë juändɛn nu ë yeguöp.

Jɔn 7:37

Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

1 Jɔn 4:19

Nhiëër cï en wo kɔn nhiaar, en a nhiɛɛr wok en.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.