Kɛ̈ŋ 6:29 - JAM DE NHIALIC 2011

²⁹ Yen täude ka kekë raan ee tiiŋ lei kɔɔr. Acïn raan duëër tiiŋ ë mony däŋ nööm ku rëër ke cïn këtuuc yök en.

Kɛ̈ŋ 6:29 ပူးပေါင်းရင်းမြစ်များ

Cäk 20:2

ke lueel an ye Thara tiiŋde nyankënë. Ago Abimelek, melik de Jiraar kɔc tuöc Thara, go yiɛ̈n en.

2 Tham 11:27

Na ɣɔn aacï tëde dhiëëu nɔm wan, go Debid tik tɔ lee bɛ̈ɛ̈i paande, ku jɔ tɔ ye tiiŋde. Go ye dhiëth wënde. Ku Bɛ̈nydït acï piɔ̈u bɛ̈n diu në kë cïï Debid looi.

2 Tham 16:21

Go Aɣithopel bɛ̈ɛ̈r an, “Lɔ tɔ̈c wekë diäär määth ë wuur, diëër wään bïï nyääŋ piny, bïk ɣön ë bääny lɔ̈ɔ̈k tiit thok apiɛth. Abïï kɔc ke Yithriɛl jɔ ŋic ëbɛ̈n nɔn cä wek dɛ ater wekë wuur, ago kɔc kuany yïcök piɔ̈ɔ̈th riɛl.”

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Kɛ̈ŋ 16:5

Raan ee rɔt lɛɛc ëbɛ̈n ee kërɛɛcdïït mɛɛn Bɛ̈nydït, ku acïï bï poth ke kënë luöi këtuc.

Kɛ̈ŋ 6:28

Duëër raan cath atiɔp ë macic, ku cïï cök nyuɔp?

Edhekiɛl 18:6

Acïï yiëth ke baai de Yithriɛl ee lam ku acie cam në miɔ̈c näk ye gam në yïk cï pëën yiic. Acïï tiiŋ de raan däŋ ee riɔ̈ɔ̈k nɔm, ku cie tɔ̈c ke tik të thëk en.

Edhekiɛl 22:11

Kɔ̈k ayek niin ë diëër lei, ku nin kɔ̈k në diëër ke wɛ̈ɛ̈tken, ku kɔ̈k në duet ke wärken ku duet ë wacken.

Edhekiɛl 33:26

Wek ee röt kan në abätäudun. Luɔidun arac. Raan ëbɛ̈n ee köör ë diäär. Eeŋö ee week tɔ täk nɔn ye piny këdun?

Lebai 18:20

Du tiiŋ de raan däŋ nöm, ke yï cïï rɔt bï riɔ̈ɔ̈k në yen.

Lebai 20:10

Na lɔ raan tiiŋ de raandäŋ nööm, na ee tiiŋ ë raan rɛ̈ɛ̈r kek yen ë mony ë nöm tik kekë tiiŋ ë nöm abïï keek dhil nɔ̈k kedhie.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Kor 7:1

Ku në këde ka cäk gäär ɛn an: Apiɛth tëde moc të cïï en tik jak.