Kɛ̈ŋ 6:23 - JAM DE NHIALIC 2011

²³ Löŋ acït manyëalath, ku wëët acït ɣɛɛr riau, ku jiëëm ku nɛɛn ayek kueer de pïïr.

Kɛ̈ŋ 6:23 ပူးပေါင်းရင်းမြစ်များ

Cäk 39:8

Go Jothep tiiŋ ë bɛ̈nyde jäi, lëk en an, “Tïŋ ënɔɔnë, bɛ̈nydï acie bɛ diɛɛr në kë nu baai ëbɛ̈n, në luɔi nu yɛn eenë. Ë käŋ tääu në yaciin kedhie.

Diɛt 119:105

Jamdu ee many alath ee ya wat ku ee ɣɛɛr de kueerdï yic.

Diɛt 119:130

Wɛ̈ɛ̈r de wëëtdu yic ee ɣɛɛr bɛ̈ɛ̈i ku ee pɛlënɔm yiɛ̈n kɔc cïn kë ŋickï.

Diɛt 141:5

Kɔc piɛth aduɛ̈ɛ̈rkï a dui ku nenkï yɛn në piath, ku yɛn cïï miɔ̈c de kɔc ee karɛc looi bï gam, në biäk ee yɛn cool ë läŋ në biäk de luɔidɛn rac.

Diɛt 19:8

Lööŋ ke Bɛ̈nydït ayek yic, ayek kɔc ee ke gam tɔ mit piɔ̈ɔ̈th. Yöök de Bɛ̈nydït alek wai, ayek kɔc gäm yöŋ de käŋ yiic.

Kɛ̈ŋ 10:17

Raan ee jiëëm piŋ acath në kueer ë pïïric, ku reec de jäny ee raan mɔ̈ɔ̈r.

Kɛ̈ŋ 15:24

Kueer ë raan pelnɔm ee pïïr ke cïï lɔ paan ë thuɔɔu.

Kɛ̈ŋ 15:31

Raan ee piŋ në jäny bï ye kiɛm piny, ee ye lɛɛr në kɔc pel nïïmiic.

Kɛ̈ŋ 29:15

Dui de mïth ee ke gäm pɛlënɔm, mɛnh cï päl thïn ee man yɔ̈ɔ̈r.

Kɛ̈ŋ 3:18

Kɔc ee nïïm pɛl amitkï piɔ̈ɔ̈th, aye pɛlënɔm kek gäm pïïr.

Kɛ̈ŋ 4:13

Ye kë cï ŋic tak aköölnyïïn. Kë cï ŋic yen aye pïïrdu, ye gël apiɛth.

Kɛ̈ŋ 4:4

yɛn cïï wää bɛ̈n wɛ̈ɛ̈t lëk ɛn an, “Piŋ kë lɛ̈k yïn ë gɔk, ku du kɔn tɔ mär yïnɔm. Ye lööŋ lɛ̈k yïn döt ke yï bï pïïr.

Kɛ̈ŋ 5:12

Ka abäk aa lueel an, “Kënë ë jɔku cuö ŋic adï? Eeŋö pën wook luɔi wëët wok tëde kɔc kɔ̈k?

Wɛ̈ɛ̈t 7:26

Yɛn cï këtuc thok wär thuɔɔu yök, tiiŋ cït bɔi ku cït ciin wïn ë dɛ̈p. Raan ee Nhialic riëëu abï poth në ye tiiŋë ciin, ku kɔc ee awɛ̈ɛ̈c looi abïï ke dɔm.

Wɛ̈ɛ̈t 7:5

Gääk de raan pel nɔm awär pïŋ de diɛt ke raan piɔlpiɔ̈u.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Jeremia 21:8

Go Bɛ̈nydït lɛ̈k yɛn bä lɛ̈kë kɔckë an, “Acïï Bɛ̈nydït lueel an, Wek cä gäm kueer de pïïr ku kueer de thuɔɔu.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Lebai 19:17

Du mɛnhkui ee maan guöp në yïpiɔ̈u, ye jɔ̈ɔ̈ny në yic, ago nɔm ciën gääk wekë yen ëtök.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.