Kɛ̈ŋ 6:15 - JAM DE NHIALIC 2011

¹⁵ Në baŋ de ee kënë, abï riääk keek mook ëthiäu të cïn lëk, riääk cïï kek bï kɔn bɛ piath ananden.

Kɛ̈ŋ 6:15 ပူးပေါင်းရင်းမြစ်များ

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Diɛt 50:22

“Piɛŋkï kënë, wek kɔc ee nïïm määr në Nhialic, ke we cä bï riɔ̈ɔ̈k, ku acïn raan bï we luök.

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Kɛ̈ŋ 1:26

Ku në biäk de ee kënë, wek bä jɔ dɔl gup të le kërac we yök. Wek bä bui gup kööl le riääk we lɔ̈ny.

Kɛ̈ŋ 1:27

Kööl le riääk we mook cït man amaŋ, ku tɔ guöm tuc thok, ka wek rem gup në jiɛthëpiɔ̈u.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Kɛ̈ŋ 24:16

Të ciɛk kɔc piɛthpiɔ̈ɔ̈th wïïk raanbɛ̈t ayek röt jɔt, ku na kɔc ee karɛc looi aye riääk ke jäp piny.

Kɛ̈ŋ 24:22

Eeŋa ŋic riäŋ duëër ë Nhialic ku nɔn yen bɛ̈ny luöi keek? Aduëërkï nyïïn riäär ëthiäu.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Jeremia 19:11

Ku abä lɔ lɛ̈k keek an acïï Bɛ̈nydït de rɛm lueel an, “Yɛn bï ee kɔckë dhoŋ kɔ̈ɔ̈th ku dhuɔŋ ee pänydïïtë piny, ku abï ciët gul de tiɔp cï dhuɔɔŋë, gul cïï duëërë bɛ matic. Kɔc abïk kɔckɛn cï thou aa tɔ̈ɔ̈u ayï Topeth yic, në biäk bïï yen ciën të bï ë keek tɔ̈ɔ̈u thïn.

Edhekiɛl 11:13

Të wään la yɛn ke ya cɔ̈ɔ̈r, go Pelatia wën de Benaya löny ku thou. Yɛn cï rɔt bɛ̈n cuat piny, ku dhiaau në röl dït an, “Ei, Bɛ̈nydït Awärjäŋ! Bä raan ëbɛ̈n nɔ̈k në kɔc ke Yithriɛl yiic, kɔc wään cï döŋ apïïr?”

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.