Kɛ̈ŋ 30:8 - JAM DE NHIALIC 2011

⁸ Nyaaiyë kë cɔl tör ë wël ë yathok, ku du ya tɔ kuanynyin ku nɔn bä kueth aläl, gämë yɛn kuïndiën aköölnyïïn tei,

Kɛ̈ŋ 30:8 ပူးပေါင်းရင်းမြစ်များ

Cäk 28:20

Ago Jakop kuëëŋ lueel an, “Na bï Nhialic tɔ̈u ke yɛn, ku bï ya tiit në cäthdï yic. Ku bï yɛn aa gäm kë cam ku kë ciɛŋ,

2 Mel 25:30

Ku aaye melik gäm wëu, bï yen kë kɔɔr aa ɣɔɔc, aköölnyïïn ëbɛ̈n.

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 119:29

Gël yɛn në lɔ ë kueer rac yic, ku në piathdu wëëtë yɛn në lööŋku.

Diɛt 119:37

Gël yɛn ë luɔi bän yapiɔ̈u wël kërac, tɔ rɔt piath wekë yɛn, cït man cïï yïn gutguut lueel.

Bɛ̈n 16:15

Na wën, aa tïŋ ë kɔc ke Yithriɛl en ke cïkï ŋic, agokï röt aa luɔp kapäc an, “Eeŋö ë kënë?” Go Mothe lɛ̈k keek an, “Ee yen kuïn cïï Bɛ̈nydït gäm week ka an bäk aa cam.

Bɛ̈n 16:18

Na wën aa themkï keek në omer (löth) ke kɔc wën cï ka juëc nööm acïn këdɛn cï bɛ̈n döŋ piny, ku kɔc wën cï ka lik nööm acïn këdɛn cï bɛ̈n dak. Ŋɛk ë kë bï ye lëu bɛ̈n aa nööm.

Bɛ̈n 16:29

Ŋiɛckï nɔn ee Yɛn Bɛ̈nydït, ee Yɛn ë gëm week kööl ë Thabath. Ka yen a Yan week gäm këcam de akööl kaarou në kööl ye akööl dhetem. Raan ëbɛ̈n në weyiic ë ye rëër baaide në kööl ë dhorou, ke cïn të le yen thïn.

Bɛ̈n 16:35

Go kɔc ke Yithriɛl mana cam në runiic kathiërŋuan man abïk ɣet piny ë Kanaan tëdɛn wään cï kek bɛ̈n lɔ piɔ̈ɔ̈t thïn.

Kɛ̈ŋ 13:5

Kɔc piɛthpiɔ̈ɔ̈th amankï lueth, ku ayäär ee bɛ̈n tëde kɔc ee karɛc looi.

Kɛ̈ŋ 21:6

Kajuëc ee määtiic në liëp ee tör ë lueth abïk dap riäär cït tol ku bïïkï thuɔɔu.

Kɛ̈ŋ 22:8

Raan ee luɔi rac com nyin ee riääk tem, ku riɛldɛn yen kɔc miɛn aye tɔ kääc.

Kɛ̈ŋ 30:7

Bɛ̈nydït, ade ka nu kaarou bä ke luöi yɛn ke ya kën kɔn thou, ku du thiëcdï reec:

Wɛ̈ɛ̈t 1:2

Na wën ke lueel raan kɔɔr pɛlënɔm an, “Ee ɣɔ̈ric, këriëëc ëbɛ̈n ee ɣɔ̈ric, ee gökdïït ë ɣɔ̈ric.

Yith 5:18

Amawoou në week! Kɔc cïï röt ee miëët bei në awɛ̈ɛ̈ckun yiic.

Yith 59:4

Wek ee lɔ në löŋ nɔm, ku acïn yic kääc në biäkdun. Wek ee rɔt kan në jam de lueth bä wek göönydun tiaam. Wek ee kïïtduön guiir bä wek kɔc kɔ̈k yiëk buɔ̈t.

Jeremia 37:21

Go melik Dhedekia ya yɔ̈ɔ̈k bï ya guöör në kal de ɣön ë bääny yic. Guɔ rëër ëtɛ̈ɛ̈n, ku yɛn aaye gäm kuïn cï pam aköölnyïïn ëbɛ̈n, të ye ë ke thaal thïn, agut cï të wään cïï kuïïn cï pam jɔ thök ëbɛ̈n ë pänydït yic.

Jeremia 52:34

Akööl nyïïn ëbɛ̈n, akööl wään pïïr yen, aaye gäm wëu bïï yen kë kɔɔr aa ɣɔɔc.

Math 6:11

Miɔc wook ëköölë në këcam kɔɔrku,

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Luk 11:3

Ye wo miɔɔc ë aköölnyïïn ë kë buk aa cam.

Jɔn 2:8

Ago lɛ̈k keek an, “Gɛ̈mkï ke bei ënɔɔnë, lɛɛrkï ke tëde raan nu ë thiëëk nɔm.” Gokï ke lɛɛr.

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.