Kɛ̈ŋ 30:5 - JAM DE NHIALIC 2011

⁵ “Këriëëc ë bɛ̈n cïï Nhialic lueel ee ya yic, ku Yen ee ya kön ë raan kɔɔr kuɔɔny tëde Yen.

Kɛ̈ŋ 30:5 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

2 Tham 22:31

Kuɛɛr ke Nhialic ayek dikëdik, ku wëlke aye ke ŋɔ̈ɔ̈th. Yen acït köt tëde kɔc ë gëlde kɔɔr.

Diɛt 119:140

Gutguutdu ee yic! Anhiɛɛr awundu keek!

Diɛt 12:6

Gutguut de Bɛ̈nydït aye ŋɔ̈ɔ̈th, alek wai cït ateek cï lëëŋ ë many tuc raan dhorou.

Diɛt 144:2

Yen ee köndï ku gëlgëldï, nhiëërdɛn agɔk, ee ya kony, aŋääth bïï ya luök. Ee juöör tiaam ë yacök.

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 18:30

Kuɛɛr ke Nhialicë acïk dikëdik! Ku jamde alɔ gɔk! Bɛ̈nydït ee kön de kɔc gam en.

Diɛt 18:31

Bɛ̈nydït Yetök yen aye Nhialic, Ee yen Yetök yen aye wo kony.

Diɛt 19:8

Lööŋ ke Bɛ̈nydït ayek yic, ayek kɔc ee ke gam tɔ mit piɔ̈ɔ̈th. Yöök de Bɛ̈nydït alek wai, ayek kɔc gäm yöŋ de käŋ yiic.

Diɛt 3:3

Ku Yïn Bɛ̈nydït, Yïn aye köndiën ee ya gël ë katuc, Yïn ee ya tɔ tiëm, ku rit a piɔ̈u.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Diɛt 91:2

Aduëër lɛ̈k En an, “Yïn ee gëlgëldï ku ye konydï, Yïn ee Nhialinydï, ku ee Yïn ŋääth.”

Kɛ̈ŋ 2:7

Ee kɔc piɛthpiɔ̈ɔ̈th gäm pɛlënɔm, ku ee köt tëde kɔc adööt.

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Romai 7:12

Yen tëde ka, löŋ aɣeric ë yic, ku cöök de löŋ aɣeric, ku diik, ku piɛth.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.