Kɛ̈ŋ 3:33 - JAM DE NHIALIC 2011

³³ Bɛ̈nydït ee bɛ̈i ke kɔc ë karɛc looi cieen, ku thieei bɛ̈i ke kɔc ɣerpiɔ̈ɔ̈th.

Kɛ̈ŋ 3:33 ပူးပေါင်းရင်းမြစ်များ

2 Tham 6:11

Go athänduŋ de mät tɔ̈u ɣön ë Obed Edom në pɛ̈i kadiäk, ku Bɛ̈nydït acï Obed Edom bɛ̈n thieei kekë paande ëbɛ̈n.

Jop 24:18

Na yak lueel an, kɔc ee karɛc looi acïtkï wal gɔpë wei në kuëër në pïïu nïïm, ku pinydɛn cieŋkï acï cieen, ka cïn kë bïk bɛ lɔ kɔɔr në duumkeniic.

Jop 31:12

acït manydït ee käŋ thöl, aduëër a riɔ̈ɔ̈k wo këriëëcdiën tɔ̈u ke yɛn ëbɛ̈n.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 37:22

Kɔc cïï Bɛ̈nydït thieei abïk piny lɔ̈ɔ̈k lak, ku kɔc cï ke cieen abïï ke cuɔp wei.

Diɛt 91:10

Ku acïn riäŋ bï yï yök, acïn akuöörkuöör bï bɛ̈n ë yïlɔ̈ɔ̈m.

Kɛ̈ŋ 10:6

Athiɛɛi yen ee göl ë kɔc piɛth piɔ̈ɔ̈th, ku ye liëp ke kɔc ee karɛc looi täu rɛɛcden thiaan.

Kɛ̈ŋ 14:11

Riääk ee këde ɣööt ë kɔc ee karɛc looi, ku rɛ̈ɛ̈r bɛ̈i ke kɔc piɛth piɔ̈ɔ̈th në athiɛɛi.

Kɛ̈ŋ 15:6

Kɔc piɛthpiɔ̈ɔ̈th ayek piɔ̈ɔ̈th miɛt në kajuëcken yiic, ku kake kɔc ee karɛc looi ayek keek yiɛ̈n ateer.

Kɛ̈ŋ 21:12

Nhialic apiɛth piɔ̈u, aŋic këriëëc ëbɛ̈n ye kɔc rac looi, abï ke riɔ̈ɔ̈r nyïïn.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Nyöŋ 11:28

Ku abï aa aciɛɛn të cä wek lööŋkë rïïu, ku wɛlkï röt wei bäk yiëth kɔ̈k lam, yiëth kɛ̈nkï keek kɔn lam ɣɔn.

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Jocua 6:18

Duökï de kë bäk nööm, në ka bï ke riɔ̈ɔ̈kiic, të la wek nööm thïn wek bï riääk bɛ̈ɛ̈i wun ë Yithriɛl.

Jocua 7:13

Ka yïn, jɔt rɔt! Ku tɔ kɔc waak abïk ɣɛɛr, ku ë ke guiir röt bïk bɛ̈n në yanɔm. lɛ̈kë keek bïk bɛ̈n ë Yanɔm miäk, ke bä keek bɛ̈n guiëër ee kënë ke piŋkï, an, ‘Yithriɛl, ka wään lɛ̈k week an, riäkkï keek, taitai, acä wek kɔ̈k thiaan! Ka kɔckuön ke ater abïk week aa tiaam, agut të bä wek ee kakë kɔn nyaai nyïïn kedhie taitai!’