Kɛ̈ŋ 29:4 - JAM DE NHIALIC 2011

⁴ Wun ye bɛ̈ny raan ëbɛ̈n gäm yinyde ee kɔ̈ɔ̈c, ku bɛ̈ny ye kum thok aye wunde riääk.

Kɛ̈ŋ 29:4 ပူးပေါင်းရင်းမြစ်များ

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

1 Mel 2:12

Go Tholomon jɔ nyuc në thööny nɔm në nyin ë Debid wunic ke ye melik, ku tɔ ciɛɛŋde kääc aril.

2 Lëk 9:8

Pianykï Bɛ̈nydït Nhialicdu! Acï yïn nyuöth miɛt ë piɔ̈nde në luöi cï yen yïn tɔ ee melik, bä bääny muk ë rinke. Në biäk nhiɛɛr en kɔckɛn ke Yithriɛl ku akɔɔr bïï keek muk aɣet thɛɛr, acï yïn tɔ ee melikden ke yï bï yic aa looi kekë piathëpiɔ̈u.”

Jop 11:6

ku abï yï nyuöth pɛlënɔm cï moony, Yen, awär täŋ de raan, ku jɔ ŋic nɔn cïï Nhialic yï gäm kuöm koor në awänyduön cï looi.

Diɛt 89:14

Piathëpiɔ̈u ku yic kek aye këërkëër de thöönydu, nhiëër agɔk ku piɔ̈n adöt ayek röt nyuɔɔth në ka ye looi yiic kedhie.

Diɛt 99:4

Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

Kɛ̈ŋ 14:34

Piathëpiɔ̈u ee jur jat nhial, ku luɔi de kërac ee kɔc riɔ̈ɔ̈k.

Kɛ̈ŋ 16:10

Wël ke bɛ̈ny ayek ciët röl ë Nhialic, arɔ̈ŋ bï löŋ de raan ëbɛ̈n ŋiëc aa guiir.

Kɛ̈ŋ 16:12

Acïï rɔ̈ŋ bï bɛ̈ny kërac looi, na rëër në piathëpiɔ̈u abï cieŋ në bäänyic.

Kɛ̈ŋ 20:8

Bɛ̈ny nyuc ë thöny de guïïr ë löŋ nɔm, ee këpiɛth pɔ̈c bei në këracic të cïï en e woi yic.

Kɛ̈ŋ 29:14

Bɛ̈ny ee kɔc kuanynyïïn gäm yinyden, abï bääny muk në kaamdït.

Kɛ̈ŋ 8:15

Yɛn ee meliik kuɔny, gokï ŋiëc guïïr apiɛth, ku kuɔny bäny, gokï lööŋ piɛth looi.

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Danyel 11:20

“Abïï kuany cök në melik däŋ, yen ee melikë abï bɛ̈ny tuɔɔc, bɛ̈ny bï kɔc yɔŋ në kun de athölbɔ̈ ago wëu ke ciɛɛŋde ŋuak. Në kaam thiinakäŋ, yen ee melikë abïï nɔ̈k, ku acïï bï nɔ̈k ke ŋic kɔc acie tɔŋic aya.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

1 Tham 13:13

Go ë Thamwɛl lueel an, “Yïn cï këde pialëpiɔ̈u looi. Yïn kën lööŋ cïï Bɛ̈nydït Nhialicdun gäm yïn riëëu. Na ë cï keek döt aduëër yïn tääu në kɔc ke Yithriɛl nïïm wekë käudu ëbɛ̈n aɣet athɛɛr.