Kɛ̈ŋ 28:5 - JAM DE NHIALIC 2011

⁵ Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Kɛ̈ŋ 28:5 ပူးပေါင်းရင်းမြစ်များ

Diɛt 119:100

Yɛn cath wokë pɛlënɔm dït awär röördït cï dhiɔp, në biäk ee yɛn lööŋku riëëu.

Diɛt 119:98

Löŋdu atɔ̈u kekë yɛn aköölnyïïn ëbɛ̈n ku ee yɛn tɔ pɛlënɔm awär kɔc ke aterdï.

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Diɛt 92:6

Ee kë cïï raan piɔlpiɔ̈u duëër ŋic, raan dhɔ̈n acïn kë duëër yökic:

Kɛ̈ŋ 15:24

Kueer ë raan pelnɔm ee pïïr ke cïï lɔ paan ë thuɔɔu.

Kɛ̈ŋ 2:9

Të piŋ yïn jamdï, yïn bï yic ku piathëpiɔ̈u ŋic, ku kïït ë kɔc, ku këpiɛth ëbɛ̈n.

Kɛ̈ŋ 24:7

Pɛlënɔm ee këdïït thiëk tëde raan piɔl piɔ̈u, ka ye röördït kiëët acïï keek ë bɛ̈ɛ̈r.

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Yith 6:9

Ago lɛ̈k ɛn bä ke lɔ lɛ̈k ee thoŋë an, “Ciɛk aa wek ë pïŋ, kë piɛŋkï acäkï bï yökic. Ciɛk aa wek ë daai, kë loi rɔt acäkï bï ŋic.”

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.