Kɛ̈ŋ 28:21 - JAM DE NHIALIC 2011

²¹ Kuëëny de kɔc yiic acïï piath, ku kɔ̈k ayek lɔ në awäcic në ariöp de ŋuëny töŋ de kuïn.

Kɛ̈ŋ 28:21 ပူးပေါင်းရင်းမြစ်များ

Bɛ̈n 23:2

Du ee mat wekë kɔc juëc të cïï kek wööc, ku të gɛm kek löŋ lueth mɛ̈ɛ̈r kek yic.

Bɛ̈n 23:8

Du yïthok ee tɔ kum, kumthok ee raan tɔ bai yic, ku mɛ̈ɛ̈r yic de kɔc cïn guöp awäc.

Kɛ̈ŋ 18:5

Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

Kɛ̈ŋ 24:23

Käkë ayadäŋ ayek jiɛɛm ke kɔc pel nïïm. Riëëu de guöp të guiirë löŋ acïï piɛth.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Ɣodh 4:18

Amatnɔm de dëëk ke mɔ̈u, të cï kek dek, ke ke lɔ diäär kɔɔr. Ayek piɔ̈ɔ̈th miɛt në ayäär, awär dhuëëŋden.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

Nyöŋ 1:17

Ku të guiɛɛr wek löŋ, yak kɔc kiëët nïïm kedhie, ku duökï kɔc ee pɔ̈ɔ̈c yiic, cakaa raan yïndï ë cïn raan ya wek riɔ̈ɔ̈c ë yen në biäk ee guiëër ë löŋdun bɛ̈n tëde Nhialic. Ku bɛ̈ɛ̈ikï gööny rilic tëde yɛn ku abä keek bɛ̈n guiir.’

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!