Kɛ̈ŋ 28:13 - JAM DE NHIALIC 2011

¹³ Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Kɛ̈ŋ 28:13 ပူးပေါင်းရင်းမြစ်များ

Cäk 4:9

Go Bɛ̈nydït Kain luɔp an, “Wänmuuth Abel nu ë nou?” Go Kain puk nɔm an, “Bä ŋic të nu yen thïn? Yɛn, ya tïn ë wänmääth?”

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 14:32

Ago Abthalom lɛ̈k Jowap an, “Yïn aa cä tuöc raan, ku yïn kën bɛ̈n. Yïn aa kaar bä yïn tuöc melik ke bä lɔ thiëëc në baŋ bän yök wo yen: ‘Eeŋö nyääŋ ɛn Gecur piny ku bä eenë? Aŋuän na ë ya cï guɔ rëër ëtɛ̈ɛ̈n!”’ Go Abthalom ŋoot ke jam an, “Akaar bä kueer bän yök wokë melik kiëët, ku na de kë cä wööc, ka aduëër yɛn tɔ näk!”

2 Mel 20:15

“Eeŋö cïk tïŋ ɣöndu?” Go Ɣedhekia bɛ̈ɛ̈r an, “Acïk këriëëc ëbɛ̈n tɔ̈u ɣöndï tïŋ, acïn kë cï döŋ kë kɛ̈n nyuöth keek ɣöndiën ye käŋ tɔ̈ɔ̈u thïn.”

2 Lëk 6:26

“Ku të kën ë deŋ tuɛny në biäk cï kɔcku awäc luöi yïn, ku të cï kek kepiɔ̈ɔ̈th pɔ̈k yïn, ku wëlkï kenïïm Luaŋdït, ku lɛ̈ŋkï yïn ke ke cï röt kuɔɔr piny,

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Edhr 10:2

Go Cekania wën ë Jeɣel, raan ë dhiën Eelam lɛ̈k Edhera an, “Wok cï ciën adöt në Nhialicda, në kë cïï wok lööŋ dhoŋ kɔ̈ɔ̈th në thiëŋ cïï wok thiëëk në duet ke juöör tɔ̈u ee pinyë. Ku na cï rɔt cak looi aya tei, ke Yithriɛl aŋoot ke de nɔm aŋäth.

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Jop 31:33

Na ë ya cï awänydiën rɛ̈ɛ̈r ke yɛn moony cït kɔc kɔ̈k,

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Jop 34:31

Jop cï awɛ̈ɛ̈cku pɔ̈l në Nhialic nɔm, ku cä lueel nɔn cï yïn ke bï bɛ nyɔk në luɔi?

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Kɛ̈ŋ 10:12

Män ee agööth jat nhial, ku nhiëër ee agööth täc nïïm.

Kɛ̈ŋ 17:9

Raan ee karɛc täc nïïm ee nhiëër kɔɔr, ku nyöŋ de käŋiic ee määth pääk.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Jeremia 2:35

Ayak lueel an, ‘Wok cïn gup awɛ̈ɛ̈c, ee yic Bɛ̈nydït acïï be ŋoot ke göth ke wook.’ Ku yɛn Bɛ̈nydït wok bä luöi këtuc në biäk cä wek jai nɔn cïn en awäny cäk looi.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Lebai 5:5

Të cï ë raan awäny tök looi në ee kakë yiic, abï kërɛɛc cï looi dhil gam.

Jona 3:10

Go Nhialic ka cïï kɔc ke Ninebe looi ëbɛ̈n tïŋ, ku tïŋ luɔi cï kek kepiɔ̈ɔ̈th puk në päl pɛ̈l kek täu rɛɛcden, ago Yenɔm waar në riäŋ wään cï than piny an, bï luöi keek, ku akën ke bɛ̈n luöi këtuc.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Bäny 10:15

Go kɔc ke Yithriɛl Bɛ̈nydït yɔ̈ɔ̈k, an, “Wok cï karɛc wööc, luöiyë wook kë Ye tak ke piɛth. Yïn lɛ̈ŋku luäk wook ënɔɔnë Bɛ̈nydït.”

1 Tham 15:13

Wën cï Thamwɛl ɣet tënu yen, go Thaulo ye thiëëc an, “Athiɛɛi de Nhialic abï tɔ̈u ke yïn, yɛn cï löŋ de Bɛ̈nydït riëëu.”

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.

1 Tham 15:30

Go Thaulo bɛ̈ɛ̈r an, “Yɛn cï kërac looi, yïn läŋ bä ya riëëu guöp në kɔcdïtkuɔ nïïm ku kɔc ke Yithriɛl nïïm. Bäär ciëën wokë yɛn, aguɔ Bɛ̈nydït Nhialicdu lɔ lam.”