Kɛ̈ŋ 23:35 - JAM DE NHIALIC 2011

³⁵ Abä jɔ lueel an, “Yɛn cï dhil dui, acïk a dui ku akɛ̈n yök. Eeŋö cän pääc? Yɛn kɔɔr mɔ̈n däŋ lɔ dek.”

Kɛ̈ŋ 23:35 ပူးပေါင်းရင်းမြစ်များ

Kɛ̈ŋ 23:34

Yïn bï ciët raan tɔ̈u adeetic në amaŋic në kiiric cil.

Kɛ̈ŋ 26:11

Jö ee rɔt dak ë ŋɔkke yiic, ku yen ee tän ë raan piɔl piɔ̈u, ee pialëpiɔ̈u ŋak.

Kɛ̈ŋ 27:22

Të ciɛkë raan piɔl piɔ̈u kɔ̈ɔ̈m ë käm ë rap, ke pial ë piɔ̈nde acie jäl.

Yith 22:13

Ke we dɔl ku luɔikï dhuëëŋ de miɛtëpiɔ̈u. Wek cï thök ku ɣɔ̈k nɔ̈k bäk keek cuet, ku dɛ̈kkï ë mɔ̈u. Ku yak lueel an, “Bäk ciëmku ku dëkku në luɔi bï wok thou miäk.”

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Jeremia 31:18

“Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Epethiei 4:19

kɔc cïn piɔ̈ɔ̈th, agokï röt gäm luɔi de dhööm, bïk luɔi col kithic aa looi në ŋɔ̈ɔ̈ŋ ë ke dɔm.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

2 Pet 2:22

Ku acï tïc tëde keek ke cït man ee kääŋ lueel kääŋ yic, an, “Jö ee yenɔm bɛ dhuöny ŋɔkke guöp, ku ŋun ë kudhur cï waak ee bɛ lɔ dal ë tiɔ̈kic.”