Kɛ̈ŋ 23:23 - JAM DE NHIALIC 2011

²³ Kɔɔr yic ku pɛlënɔm ku yöŋ de käŋiic abä tuc gïth, du ke be pɔ̈l.

Kɛ̈ŋ 23:23 ပူးပေါင်းရင်းမြစ်များ

Diɛt 119:127

Yɛn nhiaar lööŋku awär adhääp, anhiaar awär adhäm läk.

Diɛt 119:72

Löŋ cï gäm yɛn anyuth yɛn kajuëc awär adhääp ku atek ke pinynɔm.

Kɛ̈ŋ 10:1

Mɛnh pel nɔm ee kɔc dhiëth en tɔ mit piɔ̈ɔ̈th: Ku dhiën ë piɔ̈u aye mɛnh piɔl piɔ̈u yiɛ̈n keek.

Kɛ̈ŋ 16:16

Pɛlënɔm ade naamdɛndït awär adhääp, ku yöŋ de käŋiic ade naamde awär atek.

Kɛ̈ŋ 17:16

Eeŋö duëërë raan piɔl piɔ̈u nɔm dɛk wëu bï yen ke wëët në nɔm cïï käŋ ee yökiic?

Kɛ̈ŋ 18:15

Wëët de kɔc pel nïïm acie guut, ayek kɔɔr bïk piŋ ananden.

Kɛ̈ŋ 9:8

Du raan ee kɔc geet gup ee jɔ̈ɔ̈ny, abï yïn maan guöp. Ku na jäny raan pelnɔm ka bï yïn nhiaar.

Yith 55:1

Aye Bɛ̈nydït lueel an, “Bäkkï, wedhie wek kɔc nɛ̈k rou, pïïu kï! Bäkkï, wek kɔc cïn nïïn wëu, ɣackï rap ku cämkï! Bäkkï! Ɣackï mɔ̈u ku ca, acïn kë bïk jɔt tëdun!

Math 13:44

Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.

Math 13:46

Na wën, aacï awaŋgur tuc ë ɣööcde arëët yök, ke jël, ku le ka cath në yen ɣaac kedhie, ago awaŋgur ɣɔɔc.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Luɔi 20:23

Wëidït ɣer tei ayek aa cäätɔ, lëk ɛn ë pɛ̈ɛ̈nydït yiic ëbɛ̈n an, joth ku këtuc bä guum atitkï yɛn ëtɛ̈ɛ̈n.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.