Kɛ̈ŋ 22:18 - JAM DE NHIALIC 2011

¹⁸ Yïn duëër piɔ̈u miɛt të le yïn keek aa tak ku cïkï jël në yïthok.

Kɛ̈ŋ 22:18 ပူးပေါင်းရင်းမြစ်များ

Diɛt 119:103

Të thiëëpë wëëtdu amit aläl amit awär miök de kiëc në yathok!

Diɛt 119:111

Lööŋku ayek kake pïïrdï aɣet athɛɛr, kek aye miɛtëpiɔ̈ndï.

Diɛt 119:13

Yɛn bï lööŋ cï gäm yɛn ëbɛ̈n, aa nyɔ̈ɔ̈kiic në röldït.

Diɛt 119:162

Yɛn mit piɔ̈u arëët në biäk de gutguutdu, yɛn mitpiɔ̈u cï raan cï wëu juëc kuany piny.

Diɛt 119:171

Yïn bä aa leec aköölnyïïn, në biäk cï yïn a wɛ̈ɛ̈t në lööŋku.

Diɛt 19:10

Anhiaar keek awär adhäm awai, amitkï awär miök de kiëc cï leec.

Kɛ̈ŋ 10:13

Pɛlënɔm aye yök në liëp ke kɔc ee käŋ yökiic, ku dui ee këde raan piɔl piɔ̈u.

Kɛ̈ŋ 10:21

Kuɔɔny de kɔc juëc ee bɛ̈n në liëp ke kɔc piɛth piɔ̈ɔ̈th, ku thou kɔc piɔl piɔ̈ɔ̈th në ciën ciët.

Kɛ̈ŋ 15:7

Ŋïny de käŋ aye thiäi piny në kɔc pel nïïm, ku aliu tëde kɔc piɔl piɔ̈ɔ̈th.

Kɛ̈ŋ 16:21

Raan pel nɔm aye ŋic në yöŋdɛn ë käŋiic, ku wël mit ee ke lueel ayek kɔc puk piɔ̈ɔ̈th.

Kɛ̈ŋ 2:10

Yïn bï pɛlënɔm yök, ku ŋïnydu abï yï tɔ mit piɔ̈u.

Kɛ̈ŋ 22:19

Yïn kaar bä aŋäthdu tääu në Bɛ̈nydït guöp, yen acän keek tɔ ŋic ee köölë yïn guöp.

Kɛ̈ŋ 25:11

Wël cï ŋiëc lööny tëden ayek ciët gul cï thɔ̈ɔ̈th ë adhäm de thar kuny de ateek.

Kɛ̈ŋ 3:17

Pɛlënɔm aduëër pïïrdu tɔ piɛth, ku ciɛɛth yïn në pïïric apiɛth.

Kɛ̈ŋ 4:20

Piŋ kë lɛ̈k yïn apiɛth mɛnhdï. Piŋ wëlkï ë gɔk.

Kɛ̈ŋ 4:21

Du keek kɔn tɔ nyiëëŋ yï piny. Ye ke tak ku döt keek në yïpiɔ̈u.

Kɛ̈ŋ 8:6

Piŋ jamdiën piɛth arëët, kë ya lueel ëbɛ̈n ee yic.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Jɔn 7:38

Raan gam ɛn, acït man cï këcïgɔ̈ɔ̈r e lueel, an, kiɛɛr ke pïïu ke pïïr abïk aa kuëër bei ë yeyic.”

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.