Kɛ̈ŋ 21:24 - JAM DE NHIALIC 2011

²⁴ Kɔc ee kenïïm ɣääc, luɔiden ëbɛ̈n ee ya lɛc ë rɔt, ku aye ke cɔl kɔc ee dɔl gup.

Kɛ̈ŋ 21:24 ပူးပေါင်းရင်းမြစ်များ

Diɛt 1:1

Thieithieei në kɔc ee jiɛɛm ke kɔc rac rɛɛc piŋ, kɔc cïï kɔc ee karɛc looi ee kuany cök. Ku cïkï ee mat në kɔc ee Nhialic dɔl guöp.

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Kɛ̈ŋ 16:18

Lɛc aye riääk kuany cök.

Kɛ̈ŋ 18:12

Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

Kɛ̈ŋ 19:29

Kuöm ee këde kɔc ke piɔlpiɔ̈u, ku cïï waat jël në kɔc piɔl piɔ̈ɔ̈th kɔ̈ɔ̈th.

Kɛ̈ŋ 24:9

Kiɛɛr ë pial ë piɔ̈u awäc, ku agɛɛt ë guöp ee kërɛɛcdïït mɛɛn kɔc.

Kɛ̈ŋ 3:34

Ee kɔc ë kɔc bui gup bui gup, ku dhuëëŋ kɔc ee röt kuɔɔr piny gup.

Yith 16:6

Aye kɔc ke Juda lueel an, “Acuk piŋ luöi ye kɔc ke Mowap kenïïm ɣääc. Aŋicku nɔn ye kek kɔc aluɛth ee röt leec, ku lɛcden ee ɣɔ̈ric.”

Yith 29:20

Abï aa thök de kɔc ee kɔc kɔ̈k yɔŋ, ku nyuthkï Nhialic abiaan ë guöp. Raan ee kërac looi ëbɛ̈n abï nɔ̈k.

Jeremia 48:29

Mowap ade guöp lɛc dït! Yɛn cï lɛcde piŋ, ku dït de nɔmde, ku piɛŋ mɛth ye kɔcke kɔc math, ku luöi ye kek röt leec kapäc.

Ɣabakuk 2:5

Kuɛth ë mɔ̈u ee mɛth, ku röördït piɔ̈ɔ̈th ayek kenïïm ɣääc ku acïkï ee lɔ̈ŋ cït man ë paan ë thuɔɔu guöpde, acïkï ee kuɛth. Yeka ye kek juöör ke pinynɔm määt yiic ku pëckï ke röt.

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.