Kɛ̈ŋ 21:16 - JAM DE NHIALIC 2011

¹⁶ Raan lɔ rɔt yal wei në kueer ë ŋïny de käŋiic, abï rɔt lɔ yök në amatnɔm de paan ë thuɔɔuwic.

Kɛ̈ŋ 21:16 ပူးပေါင်းရင်းမြစ်များ

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 49:14

cït man de amɛ̈l cï lɔ̈c thuɔɔu, thuɔɔu yen abï aa tïnden. Abïk lɔ paan ë thuɔɔu raan tök, kɔc lɔ piɔ̈ɔ̈th wai abïk nu në kenïïm, ku gupken abïk riääk, paan ë thuɔɔu abï aa baaiden.

Kɛ̈ŋ 11:19

Pïïr ee këde raan kääc aril në piathëpiɔ̈uwic, ku raan ee kat ë karɛc cök aye thuɔɔu yök.

Kɛ̈ŋ 13:20

Raan rɛ̈ɛ̈r ke röör pelnïïm ee nɔm pɛl, ku määth de kɔc piɔl piɔ̈ɔ̈th ee nuɛɛn ee buɔ̈t bɛ̈ɛ̈i.

Kɛ̈ŋ 19:16

Riëëu de lööŋ ee dön de wëi, ku dhɔ̈tden ee thuɔɔu.

Kɛ̈ŋ 2:13

kɔc cï pïïr de ɣɛɛr ë piɔ̈u pɔ̈l, ku dɔmkï luɔi cool de karɛc,

Kɛ̈ŋ 5:23

Ayek thou në baŋ cïï kek röt ee tiit. Abï dhɔ̈ɔ̈nden ke nɔ̈k.

Kɛ̈ŋ 9:18

Acïn këthiin ŋickï nɔn nu thuɔɔu ëtɛ̈ɛ̈n. Kamaanke acïk ɣet ë piny thar ya, paan ë thuɔɔu.

Edhekiɛl 18:24

‘Ku na päl raan ee kapiɛth looi luɔidɛn de piathëpiɔ̈u, ku ciɛk luɔi de karɛc cït karɛc ye kɔc ee karɛc looi ke looi, bïï ceŋ ke pïïr aya? Ei! Acïn töŋ de kapiɛth wään ye looi bïï bɛ tak. Abï dhil thou në biäk de ciɛ̈n adöt ku në baŋ de karɛcke.

Dhep 1:6

ku riääk kɔc ee röt dak ciëën ku cïkï Ya be kuany cök, kɔc cie bɛ̈n ku thiëckï Yɛn bä ke wat.

Epethiei 2:1

Ku we cïï Nhialic tɔ ɣɔ̈ɔ̈r, wek kɔc ɣɔn cï thou në kakuön ë yak looi.

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.