Kɛ̈ŋ 19:23 - JAM DE NHIALIC 2011

²³ Riëëu de Bɛ̈nydït ee kueer ë pïïr, ee raan tɔ rɛ̈ɛ̈r ke mit piɔ̈u, ku cïn kërɛɛc yök en.

Kɛ̈ŋ 19:23 ပူးပေါင်းရင်းမြစ်များ

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 19:9

Rïïu ye Bɛ̈nydït riëëu adik, abï tɔ̈u aɣet athɛɛr. Guiëër ye Bɛ̈nydït löŋ guiir ee yic, ayek yic tiiŋ nɔm ë ceŋ.

Diɛt 25:13

Ku yen guöpde abï tɔ̈u ke kueth, ku mïthke abïk piny lɔ̈ɔ̈k lak.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Diɛt 90:14

Thiɔ̈ŋ wopiɔ̈ɔ̈th në nhiëërduön agɔk aköölnyïïn, ke wo bï ket ku mitku piɔ̈ɔ̈th në pïïrda yic ëbɛ̈n.

Diɛt 91:10

Ku acïn riäŋ bï yï yök, acïn akuöörkuöör bï bɛ̈n ë yïlɔ̈ɔ̈m.

Diɛt 91:16

Abä keek thieei në run juëc, abä keek kony.”

Kɛ̈ŋ 10:27

Riëëu de Bɛ̈nydït ee pïïr ë raan ŋuak, ku tɔ nïn ke kɔc ee karɛc looi lik.

Kɛ̈ŋ 11:19

Pïïr ee këde raan kääc aril në piathëpiɔ̈uwic, ku raan ee kat ë karɛc cök aye thuɔɔu yök.

Kɛ̈ŋ 12:21

Acïn këtuc ye luöi kɔc piɛthpiɔ̈ɔ̈th, ee kɔc ee karɛc looi kek ye nuɛɛn juëc ke yök.

Kɛ̈ŋ 19:22

Kë ye kɔɔr tëde raan ee luɔi bï yen aa raan adöt, ku raan kuanynyin aŋuän në raan ee lueth töör.

Kɛ̈ŋ 22:4

Koor ë rɔt piny ku riëëu de Bɛ̈nydït, ariöpden ee pïïr ku dhuëëŋ ku kuɛth.

Kɛ̈ŋ 3:24

Yïn duëër aa tɔ̈u ke cïn kë riëëc yïn, ku nin ë läŋ ë wɛ̈ɛ̈ric ëbɛ̈n.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.