Kɛ̈ŋ 19:21 - JAM DE NHIALIC 2011

²¹ Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Kɛ̈ŋ 19:21 ပူးပေါင်းရင်းမြစ်များ

Cäk 50:20

Wek aa lui yɛn kërac, go Nhialic en lɔ puk ke ye këpiɛth. Ke ya bï kɔc juëc kony wëi. Kɔc ŋoot ke ke pïr ënɔɔnë.

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Diɛt 21:11

Ayek kiɛɛrden looi, ku luikï Bɛ̈nydït kiɛɛr rac, ku acïkï bï tiam.

Diɛt 83:4

Ayek lueel an, “Bä lok riäkku jurden, ago kɔc nïïm määr në Yithriɛl aɣet athɛɛr!”

Kɛ̈ŋ 12:2

Bɛ̈nydït ee piɔ̈u miɛt kekë kɔc piɛth piɔ̈ɔ̈th, ku kuum kɔc ee kiɛɛr rac cät.

Kɛ̈ŋ 16:1

Kïït ee këde raan ku lee thök ë Bɛ̈nydït ciin.

Kɛ̈ŋ 16:9

Kïït ee këde raan ku jɔ Bɛ̈nydït thöl thok.

Kɛ̈ŋ 19:22

Kë ye kɔɔr tëde raan ee luɔi bï yen aa raan adöt, ku raan kuanynyin aŋuän në raan ee lueth töör.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Wɛ̈ɛ̈t 7:29

Ku kë töŋ cä ŋic kï an, Nhialic ë raan cak ke piɛth piɔ̈u, ku ye raan ee rɔt yal në kuɛɛrkɛn kɔ̈kiic.

Yith 14:24

Go Bɛ̈nydït de rɛm kuëëŋ an, “Kë cä kiëët abï rɔt looi. Kë cä dhel ë Yapiɔ̈u an luɔi abïï looi.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Jeremia 44:29

Yɛn Bɛ̈nydït, we bä nyuöth kïn bän we luöi këtuc ee tënë, ku thöndiën cä lueel nɔn bän we luöi këtuc abï ya yic.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.