Kɛ̈ŋ 19:20 - JAM DE NHIALIC 2011

²⁰ Piŋ jiëëm kekë wëët, ke yï bï aa mɛnh pelnɔm wadäŋ.

Kɛ̈ŋ 19:20 ပူးပေါင်းရင်းမြစ်များ

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Diɛt 90:12

Wɛ̈ɛ̈të wook buk lik de aköölkuɔ ŋic, agoku pɛlënɔm yök ë wo piɔ̈ɔ̈th.

Diɛt 90:14

Thiɔ̈ŋ wopiɔ̈ɔ̈th në nhiëërduön agɔk aköölnyïïn, ke wo bï ket ku mitku piɔ̈ɔ̈th në pïïrda yic ëbɛ̈n.

Kɛ̈ŋ 1:2

Kakë ee kɛ̈ŋ bï kɔc tɔ ŋic pɛlënɔm ku wëët lɔ gɔk, ku tɔkï kɔc yök ka cï thiaaniic apiɛth.

Kɛ̈ŋ 1:3

Abïk kɔc aa wɛ̈ɛ̈t në ŋiëc rëër, ago dɛ piathëpiɔ̈u, ku yic, ku kïït ë kɔc nïïm.

Kɛ̈ŋ 1:8

Ye jam ë wuur piŋ apiɛth mɛnhdï, ku du wëët ë moor ee rɛɛc ë pïŋ.

Kɛ̈ŋ 12:15

Aye raan piɔl piɔ̈u lueel an, yic ëbɛ̈n ee bɛ̈n bei në yethok, ku raan pelnɔm ee jiëëm piŋ.

Kɛ̈ŋ 13:10

Dït ë nɔm ë agööth bɛ̈ɛ̈i, ku yök pɛlënɔm tëde raan ee jiëëm piŋ.

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 19:19

Raan ee dap gɔ̈th ee ariöpde yök, na cï kony ke ŋic nɔn bï yïn en aa nyɔk ë kuny.

Kɛ̈ŋ 4:1

Piŋ kë lëk ë wuur yïn mɛnhdï. Piŋ ë gɔk ke bï yï gäm yöŋ ë käŋiic.

Kɛ̈ŋ 8:14

Yɛn ee käŋ kiëët ku dɛ pɛlënɔm yic. Yɛn ee käŋ yökiic, ka yɛn ril.

Kɛ̈ŋ 8:33

Yak wëlkï piŋ ku yak nïïm pɛl, duökï keek ee dhɔɔtiic.

Jeremia 6:8

Kɔc ke Jeruthalem, takkï ee nuɛɛnkë ee ka jäny week, na cäkkï lɔ looi, ke we bä pɔ̈l, Yɛn bï pänydïïtdun tɔ ee jɔ̈ɔ̈r, të cïn raan bï rëër thïn.”

Dhep 3:7

Ku aa cä tak an bï kɔckï A yiɛ̈n riëëu ku gamkï duidï, ku cïï ɣöötken bï bɛ nyuän thäär bei, ku ënɔɔnë aŋootkï ke ke loi karɛc cït ëmanë.

Kuɛ̈n 23:10

Kuat de Jakop acïtkï abuui, eeŋa duëër keek lëu në kuɛ̈n? Tɔ ya thou në thon ë raan piɛth piɔ̈u, tɔ thondï cït thonden.

Nyöŋ 32:29

Na ë ke pelnïïm adï cïk ee kënë yökic, adï cïk riääkdɛn ciëën takic!

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.