Kɛ̈ŋ 19:17 - JAM DE NHIALIC 2011

¹⁷ Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 19:17 ပူးပေါင်းရင်းမြစ်များ

2 Tham 12:6

Në baŋ cï yen kërɛɛc cï ee kënë looi, ku abï amääl cool raan ŋuan, në kë cï looi?”

Diɛt 41:2

Abï Bɛ̈nydït ke gël apiɛth ku tɔ ke rɛ̈ɛ̈r, ku abï ke thieei pinyden, ku acïï ke bï tɔ tiɛɛm ë kɔc de kek ater.

Diɛt 72:13

Ee piɔ̈u kok kekë kɔc kɔ̈c ku kɔc kuanynyïïn, ee kɔc cïn käŋ kony wëi.

Kɛ̈ŋ 12:14

Kapiɛth ee bɛ̈n bei ë raan thok ayek e kueth, ku luɔi de yen ciin ee rɔt dɔ̈k en.

Kɛ̈ŋ 14:21

Awäc atɔ̈u kekë raan ee kɔc thiääk ë yen biɔɔn gup, ku raan ee kɔc kuanynyïïn kony aye thieei.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Kɛ̈ŋ 28:27

Amiööc acïï nyin ee kuany, ku raan ee yenyin niɛɛn në kɔc kuanynyïïn aye cieen në raan ëbɛ̈n.

Kɛ̈ŋ 28:8

Raan ee känyke ŋuak nïïm, kake ayek bɛ̈n lɔ tëde kɔc ee kɔc kuanynyïïn kuɔny.

Wɛ̈ɛ̈t 11:1

Ye yïciin pɔ̈l, këduön cï dɛɛny tueŋ aye lɔ yök kɔ̈u në kööl liu.

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Luk 6:38

Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”

Nyöŋ 24:19

“Të määt wek rɛɛpkun ë duumiic, rɛɛp cäk keek tem, na de rɛɛp kɔ̈k cï döŋ piny domic, ë rɛɛp cä ke temiic, duökï keek be lɔ bɛ̈ɛ̈i, abï keek nyäŋ alɛi, ku mïth abɛɛr, ku diëër abɛɛr, ago Bɛ̈nydït Nhialicdun week thieei në këriëëcduön yak looi yic ëbɛ̈n.

Pilipoi 4:17

Acie miɔ̈c en kaar, ee ka ye luɔk ka bï aa kakun kek akaar, juëc bï kek juëc.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.