Kɛ̈ŋ 19:16 - JAM DE NHIALIC 2011

¹⁶ Riëëu de lööŋ ee dön de wëi, ku dhɔ̈tden ee thuɔɔu.

Kɛ̈ŋ 19:16 ပူးပေါင်းရင်းမြစ်များ

Jop 5:2

Kɛc ë piɔ̈u kekë tiɛɛl ayek dhɔ̈n nɔ̈k.

Diɛt 103:18

Ku jɔ aa kɔckɛn ee män de Bɛ̈nydït döt, ku yek lööŋ riëëu në piathëpiɔ̈u.

Kɛ̈ŋ 13:13

Dhɔ̈t ë wël ee riääk bɛ̈ɛ̈i, ku raan ee lööŋ piŋ athiɛɛi lak.

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 16:17

Raan piɛth piɔ̈u acie tëëk ë kueer racic, ka tiët ë rɔt ee gël ë wëi.

Kɛ̈ŋ 21:16

Raan lɔ rɔt yal wei në kueer ë ŋïny de käŋiic, abï rɔt lɔ yök në amatnɔm de paan ë thuɔɔuwic.

Kɛ̈ŋ 21:23

Tiët ë thok ee raan gël në katuc thookiic.

Kɛ̈ŋ 22:5

Kuɛɛr ke kɔc ee käŋ liääp adekï yiic kuɔɔth ku wïïn ke dëp, ku raan ee rɔt tiit acie tëëk ëtɛ̈ɛ̈n.

Kɛ̈ŋ 29:18

Wun cïnic nyuuth aye kɔc juëc määr, ku raan ee löŋë muk abï thieei.

Kɛ̈ŋ 3:1

Du nɔm kɔn määr në wëët lɛ̈k yïn mɛnhdï. Ku ye lööŋ thɔ̈n yïn döt aköölnyïïn.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 8:5

Ariɔ̈ny de löŋ acïn kërɛɛc ee ye yök, ku raan pelnɔm aŋic kueer bï yen ë looi, ku kööl bï yen ë looi.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Edhekiɛl 33:5

Thonde atɔ̈u në yeyeth ke ye awänyde, në biäk kën en lëk cï ë kɔc lɛ̈k tääu në yepiɔ̈u. Na ë cï tääu në yepiɔ̈u adï cï rɔt kual.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Luk 10:28

Go lueel an, “Acï tiiŋ nɔm: na loiye wulë, ke yïn bï pïïr.”

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Jɔn 14:15

Të nhiaar wek ɛn, ke we döt lööŋ thɔ̈n week.

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.

1 Jɔn 5:3

Nhiëër ë Nhialic kï, dön ee wok lööŋke döt: ku lööŋke acïkï ril.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.