Kɛ̈ŋ 18:22 - JAM DE NHIALIC 2011

²² Na cï raan tik thiaak, ka ye këpiɛth yök, ku abï miɛt ë piɔ̈u yök tëde Bɛ̈nydït.

Kɛ̈ŋ 18:22 ပူးပေါင်းရင်းမြစ်များ

Cäk 2:18

Ku be Bɛ̈nydït Nhialic lueel an, “Acïï piɛth luɔi bï raan rëër yetök, abä luöi raandɛn bï yen aa kuïïl nyin, ke bï yen aa kuɔny.”

Cäk 24:67

Ago Yithaak Rebeka lɛɛr ë paanyic, paany wään rëër ë Thara man thïn, ku tɔ ye tiiŋde. Ago Yithaak Rebeka nhiaar guöp, ku jɔ piɔ̈u bɛ̈n lɔ̈ŋ në thon ë man.

Cäk 29:28

Go Jakop gam. Na ɣɔn, aa thök akööl ke thiëëk kadhorou, ke gëm ë Laban en Racel nyande, tɔ ye tiiŋde.

Kɛ̈ŋ 12:4

Tiiŋ piɛth ee göl ë monyde, ku tiiŋ cïn guöp riëëu acït tëtök apajic në yuɔɔmde yic.

Kɛ̈ŋ 19:14

Kuɛth ku ɣööt aye ke lak tëde kɔcdïtkun, ku tiiŋ tiëër nɔm ee ya miɔ̈c de Bɛ̈nydït.

Kɛ̈ŋ 3:4

Të le yïn e looi aya, Nhialic, ayï kɔc abïk piɔ̈ɔ̈th miɛt në yïn.

Kɛ̈ŋ 8:35

Raan cï ya yök ka cï pïïr yök, ku yen abï miɛt ë piɔ̈u yök tëde Bɛ̈nydït.

Wɛ̈ɛ̈t 9:9

Ye piɔ̈u miɛt wekë tiiŋdu, në aköölkuön ɣɔ̈ric ke pïïr cïï Nhialic gäm yïn ë piny nɔm, ye piɔ̈u miɛt wekë yen, në baŋ yen këduön ë yök në luɔi riildu yic ëbɛ̈n cï looi ë piny nɔm.

Ɣodh 12:12

Ku kuɛɛrëdun Jakop ëbɛ̈n kat ke lɔ Methopotamia, go lɔ luui ëtɛ̈ɛ̈n athiɛɛk en tik. Go thiëëk në ariöp de tiët ë thök.

1 Kor 7:2

Ku në biäk de bal, ë moc ëbɛ̈n ë ye dɛ tiiŋ de yenguöp.

Ruuth 4:10

Ku yɛn nöm Ruuth ayadäŋ, nyan ë Mowap, tiiŋ abaar de Maɣlon ke ye tik. Ke piny ë bï ŋoot ke ye piny baai de Elimelek. Ke baaide ë cï rin bï määr në dhiënic, ku cïï rin mär wut aya.”