Kɛ̈ŋ 18:10 - JAM DE NHIALIC 2011

¹⁰ Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Kɛ̈ŋ 18:10 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 32:11

Ku ënɔɔnë, Yïn läŋ an luäk ɛn në Ethau wänmääth. Yɛn ë riɔ̈ɔ̈c në yen arëët. Abï wo bɛ̈n nɔ̈k wodhie, mïth ku märken.

2 Tham 22:2

Bɛ̈nydït Yen ee kuurdï, ku ee Yen ee yɛn gël, ku Ye kony de wëikï.

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

2 Tham 22:51

Nhialic ee melikde gäm tiëm dït, Ee melikdɛn cï lɔc nyuöth nhiëërdɛn agɔk, gëm Debid ku kuatde ëbɛ̈n aɣet athɛɛr.

Diɛt 144:2

Yen ee köndï ku gëlgëldï, nhiëërdɛn agɔk, ee ya kony, aŋääth bïï ya luök. Ee juöör tiaam ë yacök.

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 20:2

Abï yï tuöc kuɔɔny tëdɛn ɣeric ku yïn yïn luääk ë Kuur ë Dhiɔn nɔm.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Diɛt 91:2

Aduëër lɛ̈k En an, “Yïn ee gëlgëldï ku ye konydï, Yïn ee Nhialinydï, ku ee Yïn ŋääth.”

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Kɛ̈ŋ 14:26

Riëëu de Bɛ̈nydït aa ŋäth ril ëtör tëde raan kekë mïthke.

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Yith 26:4

Ŋäthkï Bɛ̈nydït aɣet athɛɛr, në baŋ bï Bɛ̈nydït Nhialic wo gël anande.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Ɣabakuk 3:19

Nhialic Bɛ̈nydït ee ya gäm riɛl. Abï ya gäm cök cie rieth cït man ë ŋɛɛr ku ɣeet ɛn ë kur nïïm ke cïn kërɛɛc nu.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

1 Tham 17:45

Go Debid bɛ̈ɛ̈r an, “Yïn bɔ̈ tënu yɛn wekë abätäu ku tɔɔŋ kaarou, ku yɛn lɔ tënu yïn në rin ke Bɛ̈nydït de rɛm, Nhialic de rem de tɔŋ ë Yithriɛlduön cï läät.

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.