Kɛ̈ŋ 17:15 - JAM DE NHIALIC 2011

¹⁵ Päl de raan de guöp awäc ku kuöm de raan cïn kë cï looi, amɛɛn Bɛ̈nydït keek.

Kɛ̈ŋ 17:15 ပူးပေါင်းရင်းမြစ်များ

1 Mel 21:13

Na wën, ke kɔc kaarou ke ke bɔ̈, kɔc de gup anäinäi, bïkkï ku nyuckï ë yenɔm, ku jɔkï cäk thok, luelkï ater në yen an cï Naboth Nhialic läät, ku lɛ̈ɛ̈t melik. Na wën, ke jɔkï jat biic në wut këc, lek biɔ̈ɔ̈k ë kur, abï thou.

Diɛt 94:21

Ayek kethook mat ë kiɛɛr rac bïï kek kɔc piɛthpiɔ̈ɔ̈th nɔ̈k, ku tɔkï raan cïn kë cï wööc näk.

Bɛ̈n 23:7

Du raan ciëk thok ë lueth, ku du raan cïn guöp awäc näk. Raan ëbɛ̈n, raan ee kërɛɛc cït ee kënë looi acä bï puɔ̈l.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 17:26

Kuöm de raan cïn kë cï looi, ayï dui de bäny ë waat acïï piɛth.

Kɛ̈ŋ 18:5

Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

Kɛ̈ŋ 31:5

Dëk ee keek tɔ mär nïïm në lööŋ cï tääu piny, ku mär yiny de kɔc kuanynyïïn.

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Yith 5:20

Amawoou në week! Kɔc ee kërac cɔɔl an ee këpiɛth, ku këpiɛth an ee kërac. Ku pɔ̈kkï mɔ̈ɔ̈th ke ye ɣɛɛr, ku takï ɣɛɛr ë mɔ̈ɔ̈th. Ku takï këkec ë këŋar, ku ye këŋar këkec.

Yith 5:23

Në kumthok yen aya wek kɔc de guöp gääk pɔ̈l, ku pɛ̈nkï kɔc cïn kë cïk wööc yicden.

Dhiëëu 3:35

Aŋic të cïï yicdan cï gäm wook pɛ̈n wook.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Amoth 5:12

Në biäk ŋiɛc Ɛn karɛckuön juëc cäk looi, ayï awɛ̈ɛ̈c tuc thook cäk keek wuööc. Wek ee kɔc piɛth wɛ̈l nïïm ater, ku nämkï kumthok, ku pɛ̈nkï kɔc kuanynyïïn yicden tëde gööny.

Amoth 5:7

Amawoou në week. Wek kɔc ee yic tɔ ye lueth, ku takï piathëpiɔ̈u tɔ cïn naamden!

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Romai 4:5

Ku raan cie luui, ku aye raan gäm, Raan ë kɔc racpiɔ̈ɔ̈th tɔ piɛthpiɔ̈ɔ̈th, gäm gɛ̈m en acï tɔ ye piathëpiɔ̈u.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.

Jakop 5:6

Wek ee raan piɛthpiɔ̈u gɔ̈k, ku näkkï, ku acïn ŋëny ee yen week ŋɛ̈ny. Cïï Nhialic we bï ŋɛ̈ny.