Kɛ̈ŋ 16:24 - JAM DE NHIALIC 2011

²⁴ Jam piɛth acït miök de kiëc, miɛtden ee pial ë guöp bɛ̈ɛ̈i.

Kɛ̈ŋ 16:24 ပူးပေါင်းရင်းမြစ်များ

Diɛt 119:103

Të thiëëpë wëëtdu amit aläl amit awär miök de kiëc në yathok!

Diɛt 19:10

Anhiaar keek awär adhäm awai, amitkï awär miök de kiëc cï leec.

Kɛ̈ŋ 12:18

Deeny de wël kënë cätiic atök ke thook cït tɛ̈m de tɔŋ moth, ku wël lueel në pɛlënɔm acïtkï wɛ̈ɛ̈l ee pial ë guöp bɛ̈ɛ̈i.

Kɛ̈ŋ 15:23

Ŋiëc bëër ee kɔc tɔ mit piɔ̈ɔ̈th ku apiɛth arëët të lueelë yen në akööl rɔ̈ŋ ke keek.

Kɛ̈ŋ 15:26

Täŋ de kɔc ee karɛc looi ee gök de kërɛɛc mɛɛn Bɛ̈nydït, ee jam de kɔc awai yen anhiɛɛr.

Kɛ̈ŋ 17:22

Miɛt ë piɔ̈u ee pial ë guöp bɛ̈ɛ̈i, ku jiɛthëpiɔ̈u ee riɛl nyaai ë raan guöp.

Kɛ̈ŋ 27:9

Jiëëm piɛth bɔ̈ në mäth piɔ̈u thïn, ee ciët aŋiëër de wɛ̈ɛ̈l ŋïr ku miök piɛth.

Kɛ̈ŋ 3:8

Të looi yïn en aya, aduëër ciët wɛ̈ɛ̈l piɛth cï tääu ë tëtöökku yiic, ku tɔ ke dem, go arɛɛmdu ŋuɛ̈ɛ̈n.

Kɛ̈ŋ 4:22

Abïk raan ee keek yökiic ëbɛ̈n gäm pïïr ku pial ë guöp.

Wɛ̈ɛ̈t 12:10

Ku them bï wël ke miɛtëpiɔ̈u kɔɔr, ku në piɔ̈n ɣɛɛrde gɛ̈ɛ̈r wël yith piny.

Diɛt ke 4:11

Miɛt de miök ë kiëc, yen acït tɔ̈u de yïn thok raandiën nhiaar, kë ye liemdu lueel ee miök de kiëc kekë ca tëde yɛn. Awäu de lupɔɔku kedhie acïtkï awäu de Lebanɔn.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.

Nyuuth 10:10

Guɔ awerek nööm ë tunynhial ciin, ku ja cam thäl, go tamëtam ë yathok cït man kiëc: na wën, acä ye cam, ke ya jɔ yäc kecëkec.