Kɛ̈ŋ 16:14 - JAM DE NHIALIC 2011

¹⁴ Agönh ë bɛ̈ny ee tuny de thuɔɔu, ku raan pelnɔm ee bɛ̈ny tɔ lɔ piɔ̈u piny.

Kɛ̈ŋ 16:14 ပူးပေါင်းရင်းမြစ်များ

Cäk 40:2

Go melik piɔ̈u diu ke keek kaarou. Raan ee yen thiëp mäu, kekë raan ee ye thäl kuïïn cï pam.

Ethta 7:7

Go Melik rɔt jɔt ke cï ŋeeny, ku nyiëëŋ mɔ̈nde piny ku le domic baaide. Jɔ Ɣaman guɔ ŋic nɔn cïï Melik e kiëët në yepiɔ̈u në këtuc bïï luöi yen, go döŋ ciëën ke lim Ethta tiiŋ Melik, bïï yen kony wëi.

Kɛ̈ŋ 15:18

Raan ee dap gɔ̈th anhiaar teer, ku raan ee käŋ täc nïïm ee mät bɛ̈ɛ̈i.

Kɛ̈ŋ 16:13

Liem ee yith lueel ee miɛt ë piɔ̈u de bɛ̈ny, ku ade naamde tëde raan jam në yith.

Kɛ̈ŋ 16:15

Miɛt ë piɔ̈u de bɛ̈ny acït deŋ yaak ee pïïr bɛ̈ɛ̈i.

Kɛ̈ŋ 17:11

Dhuŋ de löŋ kɔ̈u ee këde raan ee karɛc looi, ku aye tuöc cök tuny kec piɔ̈u.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Kɛ̈ŋ 20:2

Agönh ë bɛ̈ny acït ŋäär ë köör, raan lɔ yen tɔ riääk piɔ̈u ka cï rɔt nɔ̈k.

Kɛ̈ŋ 29:26

Kɔc ayek dap riŋ ke ke lɔ tëde bäny, ku guiëër ë löŋ yic aye yök tëde Bɛ̈nydït.

Kɛ̈ŋ 29:8

Kɔc ee kɔc dɔl gup aduëërkï wut kɛ̈ɛ̈k abï dëp, ku aye röör pelnïïm ke piɔɔk.

Wɛ̈ɛ̈t 10:4

Të cï bɛ̈nydu piɔ̈u diu ke yïn, du luɔɔidu päl ë yenɔm, awänydït aduëër ë puɔ̈l të pɛ̈l yïn rɔt piny.

Danyel 2:16

Go Danyel jäl raan tök lee melik lip, në luöi bï melik yen gäm kaam bï yen melik wɛ̈ɛ̈ric nyuöth kekë kë lueel.

Mak 6:27

Go melik alathkër tooc ënɔnthiinë, alathkër ë ye tiit, yöök an, bɛ̈ɛ̈iyë nɔmde. Go alathkër lɔ ku kip Jɔn nɔm wei ë alooc yic,

Luɔi 12:20

Ku Ɣerod acï piɔ̈u gɔ̈ɔ̈i kekë kɔc ke Tayer kekë Thidon, gokï bɛ̈n ë piɔ̈n tök të nu yen, lek mät lueel, acïk Bulathetho tɔ ye mɛ̈thëden, yen aye bɛ̈nydïït ee ɣön yee melik nin thïn tiit, pinyden aa muk piny ë melik në këcam.

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.