Kɛ̈ŋ 14:14 - JAM DE NHIALIC 2011

¹⁴ Raan ee käŋ muk në ye adöl ee kuɛth në ariöp de luɔide, ku kueth raan piɛth në luɔide.

Kɛ̈ŋ 14:14 ပူးပေါင်းရင်းမြစ်များ

Diɛt 109:17

Anhiaar aciɛɛn, ku tɔ aciɛɛn lööny ë yekɔ̈u! Aman bïï athiɛɛi gam, tɔ cïn raan gëm en athiɛɛi!

Kɛ̈ŋ 12:14

Kapiɛth ee bɛ̈n bei ë raan thok ayek e kueth, ku luɔi de yen ciin ee rɔt dɔ̈k en.

Kɛ̈ŋ 12:21

Acïn këtuc ye luöi kɔc piɛthpiɔ̈ɔ̈th, ee kɔc ee karɛc looi kek ye nuɛɛn juëc ke yök.

Kɛ̈ŋ 14:10

Miɛt ë piɔ̈u ku nɔn yen jiɛth ë piɔ̈u de raan acie rɔm.

Kɛ̈ŋ 14:15

Raan ee pëk thïn ee këriëëc guɔ gam ëthiäu, ku raan ee nɔm tiëër aŋic të le yen thïn.

Kɛ̈ŋ 18:20

Kë ye raan lueel, ee ye kueth.

Kɛ̈ŋ 9:12

Të pel yïn nɔm, ke pɛlënɔm abï ya riöpdu. Ku na ye raan ee kɔc geet gup, ke yïn yïtök yïn abï gum.

Jeremia 17:5

Aye Bɛ̈nydït lueel an, “Yɛn bï kɔc ee röt yal wei ë yalɔ̈ɔ̈m luöi këtuc, kɔc ee kɔc ŋɔ̈ɔ̈th, ku kɔc ŋäthkï mïth ke kɔc.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Ɣodh 4:16

Kɔc ke Yithriɛl arilkï nïïm cït weŋ amiɔ̈l: ka acïï Bɛ̈nydït keek duëër nyuääth ëläŋ të lääu de nyuäth cït nyɔɔŋ amääl.

Dhep 1:6

ku riääk kɔc ee röt dak ciëën ku cïkï Ya be kuany cök, kɔc cie bɛ̈n ku thiëckï Yɛn bä ke wat.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Galatai 6:4

Raan ëbɛ̈n ë ŋɛk ë ye luɔide yenguöp thɔ̈ɔ̈ŋ ë yepiɔ̈u, yen abï en dɛ të bï en rɔt leec në këde yen etök, ku acie në këde raan däŋ.

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.