Kɛ̈ŋ 12:24 - JAM DE NHIALIC 2011

²⁴ Raan ee luui apiɛth ee dɛ riɛl në kɔc nïïm, ku raan adaakrɔt ee ya lïm ee kɔc luööi.

Kɛ̈ŋ 12:24 ပူးပေါင်းရင်းမြစ်များ

Cäk 49:15

Ku ee tëdɛn ë tɔ̈c tïŋ ke piɛth, ku aye piny diir. Ago guŋ ku kɛ̈p kakɛn ë ɣɛ̈ɛ̈c. Ku abï ya tɔ lui ke ye lïm.

1 Mel 11:28

Jerobowam aaye dhuŋ ŋic luɔi apiɛth, na wën aa lɔ Tholomon ye tïŋ ke ye dhuŋ ŋic luɔi arëët, ke tɛ̈ɛ̈u ë kɔc ke luɔi nïïm ëbɛ̈n, në aken ë dhiën ë Manatha ku dhiën Eparaim.

1 Mel 12:20

Na wën aa piŋ ë kɔc ke Yithriɛl nɔn cïï Jerobowam bɛ̈n ciëën ë Rip, ke tɔkï bɔ̈ në amatnɔmic ku tɔkï ë melik de Yithriɛl ëbɛ̈n. Acïn wun cï baai de Debid bɛ̈n kuany cök, ee Juda yetök.

Kɛ̈ŋ 10:4

Adaakrɔt ee nyin kuany, ku raan ee luui ee kuɛth.

Kɛ̈ŋ 12:27

Adaakrɔt acïï lɛ̈n cï nɔ̈k ee yaaŋ, ku raan ee luui apiɛth ee kuɛth ë yecin.

Kɛ̈ŋ 13:4

Adaakrɔt ee këdäŋ kɔɔr në piɔ̈nde ëbɛ̈n ku acie yök, ku raan ee luui apiɛth ee kuɛth.

Kɛ̈ŋ 17:2

Lïm pelnɔm abï gäm riɛl dït në mɛnh cïn guöp riëëu, ku abï gäm biäk de ka löök lak kekë mïth.

Kɛ̈ŋ 19:15

Adaakrɔt amääth ke nïn ku abï teer ke cɔk.

Kɛ̈ŋ 22:13

Aye adaakrɔt lueel an, yɛn bï köör cam kueer të la yɛn biic.

Kɛ̈ŋ 22:29

Raan ŋic luɔide looi, ee bäny kek ee luöi ku acie kɔc tei.

Bäny 1:28

Na ɣɔn cïï Yithriɛl riɛl, gokï kɔc ke Kanaan tɔ luui keek, ku aŋootkï ke ke kënkï ke cuɔp wei kedhie ëtɛ̈ɛ̈n.